ۇلتتىق مۋزەيدە بەلگىلى قىلقالام شەبەرى, قازاقستان سۋرەتشىلەر وداعىنىڭ مۇشەسى احمەت احاتتىڭ 65 جىلدىق مەرەيتويىنا وراي «شىعىس الەمى» اتتى كورمەسى اشىلدى.
كورمەنىڭ نەگىزى ماقساتى –قازىرگى زامان سۋرەتشىلەرىنىڭ شىعارماشىلىعىنداعى تاريحي سيۋجەتتەر مەن شىعىستىق مانەرگە ءتان ساباقتاستىعىن كورسەتۋدى كوزدەگەن.
ءىس-شارانىڭ اشىلۋىندا ۇلتتىق مۋزەي ديرەكتورى ا. مۇحامەديۇلى مەن پارلامەنت ءماجىلىسىنىڭ دەپۋتاتى ش. نۇرىموۆ ءسوز الىپ, تانىمال سۋرەتشىنىڭ وتاندىق بەينەلەۋ ونەرىن دامىتۋداعى سۇبەلى ۇلەسىن اتاپ ءوتتى.
كورمەگە قىلقالام شەبەرىنىڭ جۇزدەن اسا جۇمىسى قويىلدى. ونىڭ ىشىندە اۆتوردىڭ ۇلتتىق تاريح پەن مادەنيەتكە ارنالعان كوركەم جانە گرافيكالىق تۋىندىلارىن ەرەكشە ايتۋعا بولادى. شىعىستىق ورنەككە باي بۇل تۋىندىلار كەلۋشىلەردى جىلى اسەرگە بولەدى.
احمەت احاتتىڭ جەكە كورمەسى ەلىمىزدە عانا ەمەس, شەت مەملەكەتتەردىڭ ماسكەۋ, انكارا, گەنۋيا, ءۇرىمشى سەكىلدى قالالارىندا ءوتىپ, بەينەلەۋ ونەرىن جوعارى باعالايتىن تالعامپاز جانداردىڭ قىزىعۋشىلىعىن تۋعىزعان. كورمە ءبىر ايعا سوزىلادى.
