استانادا جىلداعى داستۇرمەن باس شىرشانىڭ شامى جاعىلدى. ەكسپو اۋماعىندا وتكەن شاراعا ەلوردا اكىمى باقىت سۇلتانوۆ قاتىسىپ, جينالعان جۇرتشىلىقتى كەلە جاتقان جاڭا جىل مەرەكەسىمەن قۇتتىقتادى.
شىرشا شامدارىن جاعۋدىڭ بيىلعى باستى ەرەكشەلىگى قالا بويىنشا ورناتىلعان 12 شىرشانىڭ شامى ءبىر مەزگىلدە جاعىلدى. ال باس شىرشا بيىل دا ەكسپو كەشەنىنىڭ اۋماعىنا ورنالاستىرىلدى. ونىڭ بيىكتىگى – 25 مەتر. جاڭا جىلدىڭ باس سيمۆولىن بەزەندىرۋ ءۇشىن 200-دەن اسا قار ۇشقىنى, 1200 ءتۇرلى-ءتۇستى شار مەن 4000 مەتر گيرلياند جىلتىراعى جۇمسالدى. شىرشا شامدارىن جاعۋ سالتاناتى بارىسىندا وتاندىق ونەر جۇلدىزدارىنىڭ قاتىسۋىمەن كونتسەرت ءوتتى. ال ءتۇرلى كەيىپكەرلەردىڭ كيىمىندەگى ارتىستەر بالالاردىڭ كوڭىلىن كوتەردى.
بۇعان قوسا جىلداعى ءداستۇر بويىنشا سىرعاناقتار مەن مۇز قالاشىقتار دا ەسىگىن ايقارا اشتى. ولار «حان شاتىر», اكىمدىكتىڭ الدىنداعى قالالىق الاڭدا جانە بوتانيكالىق ساياباق اۋماعىندا ورنالاسقان. مۇندا كەلگەن جۇرت ەرتەگىلەر الەمىنە ەنىپ كەتكەندەي كۇيدە قالارى انىق. سونداي-اق, #AstanaWinterland حەشتەگى دە ىسكە قوسىلدى. الەۋمەتتىك جەلىلەردە ءدال وسى حەشتەگپەن جاريالانعان فوتولار استانانىڭ قىسقى كورىنىسىنەن سىر شەرتۋگە سەپتىگىن تيگىزبەك.
ايتپاقشى, بيىل قىس مەزگىلىندە باس-اياعى 400 ءىس-شارا وتكىزىلەدى. ولاردىڭ قاتارىندا سپورت جارىستارى, ۇلتتىق تاعامدار جارمەڭكەسى, مانەرلەپ سىرعاناۋدان شەبەرلىك سىنىپتارى, كوڭىلدى ستارتتار, «پيمامەن حوككەي ويناۋ», جاڭاجىلدىق ەرتەڭگىلىكتەر, «شىرشا فەست» فەستيۆالى جانە باسقا دا قىزىقتى شارالار ۇيىمداستىرىلادى.
