ەلوردادا بىرنەشە سپورت نىسانىندا جوندەۋ جۇمىستارى جۇرگىزىلۋدە.
«تولقىن» سپورت كەشەنىنىڭ شاتىرى كۇردەلى جوندەۋدەن ءوتتى. «استانا ارەنا» ستاديونىندا فۋتبول الاڭدارى, كيىم اۋىستىراتىن بولمەلەر مەن كىرەبەرىستەر جاڭارۋدا. سونداي-اق «قازاقستان» سپورت سارايىن «اقىلدى» تەحنولوگيالاردى قولدانا وتىرىپ مودەرنيزاتسيالاۋ جانە پايدالانۋعا بەرۋ جوباسى جاسالىپ, قازىر ارنايى قۇجاتتارى بەكىتىلۋدە.
ال «قازانات» يپپودرومى اۋماعىندا يپپوتەراپيا ءادىسىن قولدانا وتىرىپ, مۇگەدەك بالالاردى وڭالتۋ ءۇشىن ات سپورتى ورتالىعىن سالۋ جۇمىستارى دا قولعا الىنعان. نىساندا 600 ورىن بار. جوبا جەكە قارجىلىق باستاما بويىنشا مەملەكەتتىك-جەكەمەنشىك سەرىكتەستىك اياسىندا جۇزەگە اسىرىلۋدا.
جاقىن ارادا IAAF حالىقارالىق جەڭىل اتلەتيكا فەدەراتسيالار قاۋىمداستىعىنىڭ تالاپتارىنا تولىق سايكەس, جابىق ءۇي-جايلاردا جەڭىل اتلەتيكا بويىنشا حالىقارالىق جانە رەسپۋبليكالىق جارىستاردى وتكىزۋگە ارنالعان جەڭىل اتلەتيكا سپورت كەشەنى پايدالانۋعا بەرىلەدى. بۇل نىساننىڭ اشىلۋىمەن ەلوردادا سپورتشىلاردى حالىقارالىق جارىستارعا, سونىڭ ىشىندە الەم چەمپيوناتتارى مەن جازعى وليمپيادا ويىندارىنا دايىنداۋعا ارنالعان زاماناۋي جوعارى تەحنولوگيالىق بازا پايدا بولادى. سونىمەن بىرگە «يلينكا», «كوكتال-2», «ءوندىرىس», «جەلەزنودوروجنىي» تۇرعىن الاپتارىندا ءتورت دەنە شىنىقتىرۋ-ساۋىقتىرۋ كەشەندەرى سالىنۋدا.
