وتكەن سەنبى كۇنى سارىارقا اۋدانىنىڭ اكىمدىگى سپورت پەن ەڭبەكتى ۇشتاستىردى. الدىمەن ءۇندىستاننىڭ مادەني ورتالىعىمەن بىرگە ۆەلوشەرۋ ۇيىمداستىرىپ, ارتىنشا «اگروقالاشىق» تۇرعىن الابىنداعى №20 ورتا مەكتەپ اۋماعىندا اعاش وتىرعىزدى.
قوس شاراعا اۋدان اكىمى ەرعالي ەگەمبەردى مەن ءۇندىستاننىڭ قازاقستانداعى ەلشىسى پرابحات كۋمار قاتىستى. اۋدان باسشىسى تاياۋدا پرەزيدەنت قاسىم-جومارت توقاەۆ ءوزىنىڭ العاشقى جولداۋىندا بارلىق جاستاعى ەل ازاماتتار اراسىندا بۇقارالىق سپورتتى دامىتۋ ماڭىزىنا ەرەكشە توقتالعانىن, بۇل سپورتتى وركەندەتۋ ءۇشىن كەشەندى جوسپار قابىلداۋ بويىنشا تاپسىرما بەرگەنىن اتاپ ءوتىپ, وسىنداي شارالاردىڭ ۇرپاق ساۋلىعىنا وتە قاجەت ەكەنىن ايتتى. ۇلى ابايدىڭ 175 جىلدىعى جاقىنداپ كەلە جاتقانىن, حاكىمنىڭ قازاق ومىرىندە الاتىن ەرەكشە ورنىنا توقتالىپ, ەلشىگە اقىننىڭ قارا سوزدەرى جيناعىن سىيعا تارتتى. ءوز ريزاشىلىعىن بىلدىرگەن ەلشى ماحاتما گانديدىڭ كىتابى قازاق تىلىنە اۋدارىلاتىنىن جەتكىزدى.
ۆەلوشەرۋ «ىرىسكەلدى قاجى» مەشىتىنەن باستالىپ, 3 شاقىرىمعا سوزىلدى. وعان 100 ادام, سونىڭ ىشىندە 20 بالا قاتىستى. سپورتتىق شاراعا قاتىسۋشىلارعا «Velocity.kz» قوعامدىق قورى قولداۋ كورسەتىپ, astana bike ۆەلوجۇيەسىندەگى ۆەلوسيپەدتەردى ۇسىندى.
اعاشتاردى وتىرعىزۋعا اۋدان باسشىلارى, بەلسەندى تۇرعىندارىمەن قاتار اتا-انالار, بالالار, قالالىق ءماسليحات دەپۋتاتتارى, «نۇر وتان» پارتياسى جانە «جاس وتان» جاستار قاناتى مۇشەلەرى قاتىستى. بارلىعى 190 ءتۇپ اعاش وتىرعىزىلدى. بۇيىرتسا, بىرنەشە جىلدان كەيىن وقجەتپەس جانە قارتالى كوشەلەرىنىڭ بويىندا جاسىل باق جايقالادى.
