كەشە نۇر-سۇلتان قالالىق ءماسليحات دەپۋتاتتىعىنا ۇمىتكەرلەر, «نۇر وتان» پارتياسىنىڭ مۇشەلەرى ۆلاديسلاۆ سەرگەەۆ, ازامات ايتحوجين جانە ەرلان داكەنوۆ قازاقستان فۋتبول فەدەراتسياسى Zoom پلاتفورماسىندا ۇيىمداستىرعان كەزدەسۋگە قاتىسىپ, پارتيانىڭ باعدارلاماسىن تانىستىرىپ, ەلىمىزدەگى جانە ەلوردامىزداعى فۋتبول ماسەلەسىن تالقىلاپ, بۇقارالىق سپورتتى دامىتۋ بويىنشا ويلارىمەن ءبولىستى.
كەزدەسۋگە قاتىسۋشىلار الدىندا الدىمەن ۆلاديسلاۆ سەرگەەۆ سويلەپ, قازاقستان فۋتبول فەدەراتسياسى «نۇر وتان» پارتياسىمەن ۇنەمى قارىم-قاتىناس ۇستاپ, ەلىمىزدە, سونىمەن قاتار باس قالادا فۋتبولدى بۇقارالىق سپورت رەتىندە دامىتۋعا ۇلكەن ۇلەس قوسىپ كەلە جاتقانىن اتاپ ءوتتى.
قازاقستان فۋتبول فەدەراتسياسىنىڭ باس حاتشىسى ازامات ايتحوجينگە پلاتفورما جەلىسى بويىنشا بىرنەشە ادام سۇراق قويدى.
– بيىل پاندەميا جاعدايىنا بايلانىستى بارلىق سالادا وزگەرىستەر بولىپ جاتقانىن بىلەسىزدەر. بىراق فەدەراتسيا تاراپىنان ەل چەمپيوناتىن باسقا فورمادا وتكىزۋ تۋرالى شەشىم قابىلدانىپ, بارلىق دەڭگەيدەگى جارىستار وتكىزىلدى. ال بالالار مەن جاستار فۋتبولىنا كەلەر بولساق, قازىرگى كەزدە تەك قانا كاسىبي فۋتبول ورتالىقتارى عانا ەمەس, سونىمەن قاتار جەكە فۋتبول مەكتەپتەرىنىڭ جۇمىسىنا دا كوڭىل ءبولىپ وتىرمىز. ويتكەنى فۋتبول ءوزىنىڭ ماڭىزدىلىعىنا قاراي ناعىز بۇقارالىق سپورت بولىپ سانالادى. بۇگىنگى تاڭدا ەلىمىزدىڭ بىرنەشە ايماقتارىندا «فۋتبول ساباعى» وتكىزىلەدى. بۇل جوبا ءارى قاراي ۇلعايىپ جالعاساتىن بولادى. قازىر نۇر-سۇلتان قالاسىندا جۇرگىزىلىپ جاتقان ۇگىت-ناسيحات ناۋقانى كەزىندە بىرقاتار سپورت نىساندارىندا بولىپ, ينفراقۇرىلىمدارمەن تانىسىپ, وسى باعىتتاعى ماسەلەلەرگە ەرەكشە ءمان بەرىپ وتىرمىز. قالانىڭ بارلىق اۋداندارىندا كوپشىلىك ءۇشىن, ونىڭ ىشىندە بالالار مەن جاسوسپىرىمدەرگە قولجەتىمدى سپورت نىساندارىنىڭ بولعانىن قالايتىنىمىزدى ايتقىمىز كەلەدى, – دەدى ازامات ايتحوجين.
نۇر-سۇلتان قالاسى مەملەكەتتىك اكادەميالىق فيلارمونياسىنىڭ ديرەكتورى ەرلان داكەنوۆ كەزدەسۋگە قاتىسۋشىلارعا «نۇر وتان» پارتياسىنىڭ سايلاۋالدى باعدارلاماسىندا مادەنيەت جانە سپورت بويىنشا ايقىندالعان مىندەتتەر مەن جوسپارلار جايىندا ايتىپ بەردى.
نۇر-سۇلتان قالاسىنداعى Nur Otan پارتياسى سايلاۋ قورىنىڭ قاراجاتىنان تولەندى.