وسى اپتادا وتاندىق اقپارات قۇرالدارىنىڭ قاتارىنا ساياسي سالماعى باسىم سايت قوسىلدى.
جاڭا پورتالدىڭ ماقساتى – «قازاقستان-2050: قالىپتاسقان مەملەكەتتىڭ جاڭا ساياسي باعىتى» ستراتەگياسىنىڭ جۇزەگە اسىرىلۋ بارىسى تۋرالى جەدەل اقپاراتتار مەن ەكسكليۋزيۆتى تالداۋلاردىڭ قاينار كوزىن قۇرۋ. ينتەراكتيۆتى ۆەب-پورتالدىڭ تانىستىرىلىمىندا بەلگىلى بولعانداي كۇن سايىن مۇندا ستراتەگيانىڭ جۇزەگە اسۋ بارىسى تۋرالى شامامەن 40 اقپاراتتىق جانە تالداۋ ماتەريالدارى, سونداي-اق جەكە ۆيدەو, فوتوماتەريالدار ورنالاستىرۋ جوسپارلانۋدا.
سۇبەلى ءسوز
ارمان قىرىقباەۆ,
قر مادەنيەت جانە اقپارات ۆيتسە-ءمينيسترى:
– ەلباسىنىڭ ەل الدىنا قويعان تالاپتارىن ورىنداۋ ءۇشىن, ورتاق ماقساتتارعا جەتۋ ءۇشىن ايانباي قىزمەت ەتۋ كەرەك. ول قىزمەتتىڭ قالاي جاسالىپ جاتقاندىعىن حالىق «ستراتەگيا-2050» سايتى ارقىلى ءبىلىپ وتىرۋى ءتيىس. پورتالدىڭ ەرەكشەلىگى – ورتالىق مەملەكەتتىك ورگاندار دەڭگەيىندە اتقارىلىپ جاتقان جۇمىستاردى عانا ەمەس, سونىمەن قاتار ايماقتاردا نە بولىپ جاتقانىنان دا حاباردار ەتەتىن بولادى.