نۇر-سۇلتان قالاسىندا سوڭعى ۋاقىتتا كۇننىڭ كۇرت جىلىنۋىنان سىرەسكەن قار سۋعا اينالىپ, كەيبىر كوشەلەردە كولشىكتەر پايدا بولۋدا. قالانىڭ كوممۋنالدىق قىزمەتتەرى قاردى دامىلسىز شىعارىپ جاتقانىمەن, اينالامىز ءالى اق كيىز قۇرساۋىندا. ءار مەزگىل مىنەزىنە قاراي ارەكەت كۇتەدى. سوندىقتان كوكتەمگى سۋ تاسقىنىنا قارسى دايىندىق بارىسى ەلوردا تۇرعىندارىن تولعاندىرارى ءسوزسىز.
بەيسەنبى كۇنى ەلوردا اكىمدىگىنىڭ ءباسپاسوز قىزمەتى الاڭىندا نۇر-سۇلتان قالاسى توتەنشە جاعدايلار دەپارتامەنتىنىڭ باسقارما باستىعى ب.بەيسەنقانوۆتىڭ قاتىسۋىمەن بريفينگ ءوتىپ, قالا اۋماعىنداعى كوكتەمگى تاسقىن سۋلاردى وتكىزۋگە قىزمەتتەردىڭ دايىندىق بارىسى تۋرالى باياندالدى.
باۋىرجان بەيسەنقانوۆتىڭ ايتۋىنشا, بيىلعى سۋ تاسقىنى كەزەڭىنە دايىندىق شەڭبەرىندە جانە كوكتەم مەزگىلىندەگى توتەنشە جاعدايلار جەدەل دەن قويۋ ءۇشىن نۇر-سۇلتان قالاسىندا قۇرامىندا 2987 ادامى بار جەكە قۇرام مەن 578 بىرلىك تەحنيكا توسىن جاعدايعا ساقاداي ساي. سۋ تاسقىنى قاۋپىن بولدىرماۋ ماقساتىندا اتالعان دەپارتامەنت 2022 جىلعى كوكتەمگى تاسقىن سۋلاردى وتكىزۋگە دايىندىق بويىنشا كەشەندى ءىس-شارالار جوسپارىن ازىرلەگەن. ءاربىر قادام قالا اكىمىنىڭ ورىنباسارى بەكىتكەن جوسپارعا ساي جاسالماق.
جوعارىدا ايتقان 25 سۋ تاسقىنى قاۋپى بار ۋچاسكەدە ينجەنەرلىك جانە سۋ سورۋ تەحنيكالارى بەكىتىلگەن. جەكە قۇرامنان 149 ادام, 99 بىرلىك تەحنيكا, 34
موتوپومپا مەن 2 قايىق تاسقىنعا قارسى شارالارعا دايىن
بۇل جوسپاردا قالاداعى مەملەكەتتىك ورگاندارى مەن ۇيىمدارىنىڭ بوگەتتەردى, كوپىرلەر مەن وزەن ارنالارىن, گيدروتەحنيكالىق قۇرىلىستاردىڭ دايىندىقتارىن تەكسەرۋىن, جاعالاۋدى بەكىتۋ جۇمىستارىن جۇرگىزىپ, ارىق-ناۋا جەلىسى مەن نوسەر-كارىز جۇيەسىن تازارتۋ, قالا اۋماعىنداعى قاردى ۋاقىتىلى تىسقا شىعارۋ سەكىلدى شارالاردى قابىلداۋ قامتىلعان.
قازىرگى احۋالعا بايلانىستى شاھار اكىمدىگى مەن دەپارتامەنت ۋاقىتىلى قار تازالاۋدى ەرەكشە باقىلاۋعا الىپ وتىر. اسىرەسە سۋ تاسقىنى تۋىنداۋ قاۋپى بار 25 ورىندا وسى جۇمىستار ءجىتى نازارعا الىنعان. بيىل قالا سىرتىنداعى 7 قار پوليگونىنا 3,5 ميلليون تەكشە مەتر قار شىعارىلعان. ول ءۇشىن 1000-نان استام ارنايى تەحنيكا, 1800-دەن استام جۇمىسشى جۇمىلدىرىلىپ, تاۋلىك بويى تىنىمسىز ەڭبەك ەتتى.
بۇل باعىتتاعى شارۋالار جالعاسا بەرمەك. جەكە سەكتورلاردا تۇراتىندار ءۇشىن ەرىكتى جاستاردىڭ كومەگىمەن ەسكەرتپە قاعازدار تاراتىلىپ, ولاردان اۋلاداعى جانە شاتىرداعى قاردى كۇرەپ, كوشەگە شىعارۋ سۇرالدى. ونىمەن قوسا سۋ باسۋدىڭ الدىن الۋ شارالارىنىڭ ءبىرى ارىق-ناۋا جۇيەلەرىن تازالاۋ جانە بۋلاۋ بويىنشا جۇمىستار جۇرگىزۋ كەرەك. دەپارتامەنت ۇسىنعان سوڭعى دەرەكتەر بويىنشا, استانادا جالپى ۇزىندىعى 53,7 شاقىرىمدى قۇرايتىن 16 مىڭ مەترگە جۋىق ارىق-ناۋا جەلىسى تازارتىلعان.
قاجەتتى كەزدە قارەكەت جاساۋ ماقساتىندا «استانا تازالىق» جشس بازاسىندا 10 مىڭ تەكشە مەتردەن كوپ قۇم جانە 2 مىڭ تەكشە مەتر ۇساق تاس ينەرتتى ماتەريالدارمەن دايارلانعان. جوعارىدا ايتقان 25 سۋ تاسقىنى قاۋپى بار ۋچاسكەدە ينجەنەرلىك جانە سۋ سورۋ تەحنيكالارى بەكىتىلگەن. جەكە قۇرامنان 149 ادام, 99 بىرلىك تەحنيكا, 34 موتوپومپا مەن 2 قايىق تاسقىنعا قارسى شارالارعا دايىن.
قار كوپ ەرىگەن كەزدە بىرنەشە ەرەجەلەردى ەستە ساقتاعان ءجون. ءۇي اۋماعىنداعى قاردى كوشەگە دەيىن شىعارۋ, ۇيدەن اعىندى ارىقتارعا نەمەسە سۋ وتكىزۋ قۇبىرلارىنا سۋ بۇرۋدى ۇيىمداستىرۋ, الدىن الا سۋ ايدايتىن قۇرالداردى, تۇرمىستىق ەلەكتر سورعىلاردى, شەلەكتەردى, كۇرەكتەردى قاراستىرىپ قويعان ءجون. تۇرعىنداردان سۋ باسۋ جاعدايلارىندا «112» ءنومىرى بويىنشا قۇتقارۋ قىزمەتىنە حابارلاۋىن سۇرايمىز, – دەيدى ازاماتتىق قورعاۋ پودپولكوۆنيگى ب.بەيسەنقانوۆ.
بايجان ەمبەردى
