استانا قالاسى قوعامدىق كەڭەسىنىڭ وتىرىسىندا ەلوردانىڭ 2024-2026 جىلدارعا ارنالعان بيۋدجەتى ناقتىلاندى. قۇجاتقا ەنگەن وزگەرىستەرمەن قالالىق ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى قايسار ماڭقاراەۆ تانىستىردى.
كىرىستەرگە توقتالعان بايانداماشى تۇسىمدەر جوسپارى ۇلعايعانىن, سونىڭ ىشىندە سالىقتىق جانە سالىقتىق ەمەس تۇسىمدەر, نەگىزگى كاپيتالدى ساتۋدان تۇسەتىن تۇسىمدەر جوسپارى كوبەيگەنىن اتاپ ءوتتى. ال شىعىستار قالانىڭ باسقارمالارى مەن دەپارتامەنتتەرى, قالا اۋداندارى اراسىندا ءبولىندى.
اتاپ ايتقاندا, جۇمىسپەن قامتۋ جانە الەۋمەتتىك قورعاۋ باسقارماسىنا مەرەكەلىك تولەمدەرگە, جاردەماقى الۋشىلار سانىنىڭ ۇلعايۋىنا جانە اەك ايىرماشىلىعىنا بايلانىستى, مۇگەدەكتىگى بار ادامداردىڭ ءومىر ءسۇرۋ ساپاسىن جاقسارتۋعا جانە الەۋمەتتىك قولداۋعا, 2400 ادامعا ۇيدە كورسەتىلەتىن الەۋمەتتىك قىزمەتتەرگە 5 ملرد 595,2 ملن تەڭگە سوماسىندا قاراجات كوزدەلگەن.
ءبىلىم باسقارماسىنا وقۋلىقتاردى ساتىپ الۋعا جانە جەتكىزۋگە, ورتا ءبىلىم بەرۋ مەملەكەتتىك ۇيىمدارىندا جان باسىنا شاققانداعى قارجىلاندىرۋدى ىسكە اسىرۋعا, 24 بالاباقشانى اعىمداعى جوندەۋگە, ۆەدومستۆولىق باعىنىستى مەملەكەتتىك مەكەمەلەر مەن ۇيىمداردىڭ كۇردەلى شىعىستارىنا 4 ملرد 792,8 ملن تەڭگە سوماسىندا قوسىمشا قارجى قاراستىرىلدى.
مادەنيەت باسقارماسىنا مەملەكەتتىك شىعارماشىلىق تاپسىرىستى ىسكە اسىرۋعا, «سالتانات قاقپاسى» مونۋمەنتىن ۇستاۋعا (اۋماقتى جيناۋ, مۇلىكتى قورعاۋ, بەينەباقىلاۋ, «الەم قابىرعاسى» مونۋمەنتىندەگى LED ەكرانىنا تەحنيكالىق قىزمەت كورسەتۋ), ۆەدومستۆولىق باعىنىستى مەملەكەتتىك مەكەمەلەر مەن مادەنيەت ۇيىمدارىنىڭ كۇردەلى شىعىستارىنا قوسىمشا 1 ملرد 984 ملن تەڭگە كوزدەلدى.
دەنە شىنىقتىرۋ جانە سپورت باسقارماسىنا رەسپۋبليكالىق جانە حالىقارالىق سپورت جارىستارىنا ءتۇرلى سپورت تۇرلەرى بويىنشا قۇراما كوماندالار مۇشەلەرىن دايارلاۋعا جانە قاتىسۋعا, جان باسىنا شاققانداعى قارجىلاندىرۋ بويىنشا مەملەكەتتىك الەۋمەتتىك تاپسىرىسقا, جاسوسپىرىمدەر سپورت مەكتەپتەرى ءۇشىن جابدىقتار ساتىپ الۋعا, مۇمكىندىگى شەكتەۋلى جاندارعا ارنالعان «ەلوردا» سپورت كلۋبىنىڭ كۇردەلى شىعىستارىنا 3 ملرد 667 ملن تەڭگە سوماسىندا قوسىمشا قاراجات قاراستىرىلدى.
تىلدەردى دامىتۋ جانە ارحيۆ ءىسى باسقارماسىنا مەملەكەتتىك ءتىلدى جانە قازاقستان حالقىنىڭ باسقا دا تىلدەرىن دامىتۋعا قوسىمشا 103 ملن تەڭگە ءبولىندى.
كولىك جانە جول-كولىك ينفراقۇرىلىمىن دامىتۋ باسقارماسىنا كولىك ينفراقۇرىلىمىن دامىتۋعا, قوعامدىق كولىك تاسىمالداۋشىلارىنىڭ شىعىستارىن سۋبسيديالاۋعا قوسىمشا 25 ملرد تەڭگە قاراستىرىلدى.
كوممۋنالدىق شارۋاشىلىق باسقارماسىنا «ەلورداEcoSystem» كومپانياسىنا نوسەر كارىزىن ۇستاۋعا, تازارتۋعا, «استانا سۋ ارناسى» مەكەمەسىنە اتموسفەرالىق جەر ءۇستى اعىندارىن اعىزۋعا جانە تازارتۋعا, سۋمەن جابدىقتاۋ جانە سۋ بۇرۋ جۇيەسىن دامىتۋعا, نوسەر كارىزىن دامىتۋعا قوسىمشا 14 ملرد 254 ملن تەڭگە كوزدەلدى.
ەنەرگەتيكا باسقارماسىنا جىلۋ-ەنەرگەتيكالىق جۇيەسى مەن گاز تاسىمالداۋ جۇيەسىن دامىتۋعا قوسىمشا 2 ملرد 117 ملن تەڭگە ءبولىندى.
قۇرىلىس باسقارماسىنا قالانى اباتتاندىرۋدى دامىتۋعا, ينجەنەرلىك-كوممۋنيكاتسيالىق ينفراقۇرىلىمدى جوبالاۋعا, دامىتۋعا جانە جايلاستىرۋعا, ءبىلىم بەرۋ جانە دەنساۋلىق ساقتاۋ نىساندارىن سالۋعا جانە رەكونسترۋكتسيالاۋعا, حالىقتىڭ الەۋمەتتىك وسال توپتارىنا پاتەر ساتىپ الۋعا قوسىمشا 11 ملرد 823 ملن تەڭگە قاراستىرىلدى.
قورشاعان ورتانى قورعاۋ جانە تابيعاتتى پايدالانۋ باسقارماسىنا قالانى اباتتاندىرۋدى دامىتۋعا, «استانا كوگالداندىرۋ قۇرىلىسى» جشس ءۇشىن 39 بىرلىك سۋارۋ-جۋعىش ماشينالار مەن 50 بىرلىك ارنايى تەحنيكا ساتىپ الۋعا قوسىمشا 9 ملرد 506 ملن تەڭگە كوزدەلدى.
تۇرعىن ءۇي جانە تۇرعىن ءۇي ينسپەكتسياسى باسقارماسىنا ءبىلىم بەرۋ نىساندارىن, جول-كولىك ينفراقۇرىلىمىن سالۋعا, سكۆەرلەر قۇرىلىسى جانە وزەن ارناسىن رەكونسترۋكتسيالاۋعا, كوپپاتەرلى تۇرعىن ءۇي كەشەندەرىن جانە باسقا دا نىسانداردى سالۋ ءۇشىن جەر تەلىمدەرىن ساتىپ الۋعا قوسىمشا 2 ملرد 467,3 ملن تەڭگە ءبولىندى.
ساۋلەت, قالا قۇرىلىسى جانە جەر قاتىناستارى باسقارماسىنا ەلدى مەكەندەردە قۇرىلىس سالۋدىڭ باس جوسپارلارىن ازىرلەۋگە قوسىمشا 500,0 ملن تەڭگە قاراستىرىلدى.
الماتى اۋدانى اكىمى اپپاراتىنا ەلدى مەكەندەردىڭ سانيتارياسىن قامتاماسىز ەتۋگە, جاسىل جەلەكتەردى اعىمداعى كۇتىپ ۇستاۋعا, اباتتاندىرۋ ەلەمەنتتەرىن جوندەۋگە, اۋلالاردى اباتتاندىرۋعا (سەناتور, قازانات-2) قوسىمشا 6 ملرد 370 ملن تەڭگە كوزدەلدى.
بايقوڭىر اۋدانى اكىمى اپپاراتىنا كوشە جارىعىن, ورامىشىلىك جانە ساياباق جارىعىن اعىمداعى كۇتىپ ۇستاۋعا, ساندىك جارىقتاندىرۋدى كۇتىپ ۇستاۋعا, ەلدى مەكەندەردىڭ سانيتارياسىن قامتاماسىز ەتۋگە, قوعامدىق كەڭىستىكتەردى اعىمداعى جوندەۋ مەن جايلاستىرۋعا; جاسىل جەلەكتەردى اعىمداعى كۇتىپ ۇستاۋعا جانە باسقا جۇمىستارعا قوسىمشا 4 ملرد 692 ملن تەڭگە ءبولىندى.
ەسىل اۋدانى اكىمى اپپاراتىنا وسىنداي جۇمىستارعا قوسىمشا 8 ملرد 950 ملن تەڭگە, نۇرا اۋدانى اكىمى اپپاراتىنا قوسىمشا 3 ملرد 300 ملن تەڭگە جانە سارىارقا اۋدانى اكىمى اپپاراتىنا قوسىمشا 2 ملرد 595 ملن تەڭگە قاراستىرىلدى.
پوليتسيا دەپارتامەنتىنە ەڭبەكاقى تولەۋ قورىنا جانە اتتەستاتتالعان قۇرامعا تۇرعىن ءۇي تولەمدەرىنە قوسىمشا 2 ملرد 285,6 ملن تەڭگە كوزدەلدى.
ينۆەستيتسيالار جانە كاسىپكەرلىكتى دامىتۋ باسقارماسىنا ينۆەستيتسيالىق قىزمەتتى دامىتۋدى قامتاماسىز ەتۋ (شتات سانىن ۇلعايتۋ جانە مۇلىكتى (كوكونىس قويماسى) بالانسقا قابىلداۋ) جونىندەگى قىزمەتتەرگە, شاعىن جانە ورتا بيزنەس سۋبەكتىلەرىنىڭ نەسيەلەرى بويىنشا پايىزدىق مولشەرلەمەنى سۋبسيديالاۋعا, «استانا-تازالىق» جشس جانە «استانا كوگالداندىرۋ قۇرىلىسى» جشس ءۇشىن ارنايى تەحنيكا ساتىپ الۋ ءۇشىن ليزينگ بويىنشا مىندەتتەمەلەردى وتەۋگە قوسىمشا 2 ملرد 594 ملن تەڭگە ءبولىندى.
تسيفرلاندىرۋ جانە مەملەكەتتىك قىزمەتتەر باسقارماسىنا «فوتوبەينەتىركەۋ جانە بەينەتالداۋ اپپاراتتىق-باعدارلامالىق كەشەنىن قۇرۋ جانە پايدالانۋ» مەملەكەتتىك-جەكەمەنشىك ارىپتەستىك جوباسىنا (سەرگەك) قوسىمشا 1 ملرد 605 ملن تەڭگە قاراستىرىلدى.
بايانداماشى ءوز سوزىندە حالىقتىڭ الەۋمەتتىك وسال توپتارى ءۇشىن 1500 پاتەر ساتىپ الۋعا 24 719 780 مىڭ تەڭگە سوماسىنا مەملەكەتتىك باعالى قاعازدار شىعارۋ جۇزەگە اسىرىلاتىنىن جەتكىزدى. ەنگىزىلەتىن وزگەرىستەردىڭ ەسەبىنەن استانا قالاسىنىڭ 2024 جىلعا ارنالعان ناقتىلانعان بيۋدجەتىنىڭ جالپى كولەمى 1 ترلن 165 ملرد 548 ملن تەڭگەنى قۇرايتىنىن ايتتى.
