استانا قالاسى توتەنشە جاعدايلار دەپارتامەنتى الداعى سۋ تاسقىنى كەزەڭىنە دايىندىق الدىن الا باستالعانىن مالىمدەدى.
استانا قالاسى توتەنشە جاعدايلار دەپارتامەنتى الداعى سۋ تاسقىنى كەزەڭىنە دايىندىق الدىن الا باستالعانىن مالىمدەدى.
بۇگىنگە دەيىن ەلوردا اۋماعىنان 4 ميلليون تەكشە مەتردەن استام قار شىعارىلدى. 16 مىڭ ارىق پەن 700-گە جۋىق كارىز جۇيەسى قاردان تازارتىلعان.
قالالىق تجد باسقارماسىنىڭ باستىعى باقىتجان ماۋلەنبەرديەۆتىڭ ايتۋىنشا, توتەنشە جاعدايدىڭ الدىن الۋعا بايلانىستى 16 پۋنكت قاراستىرىلعان. «2700 ادامعا دەيىن قابىلداۋ ورنى بار. سۋ تاسقىنىنا قارسى 586 جەكە قۇرام جانە 160-تان اسا تەحنيكا, 65 موتوپومپا قۇرامى قۇرىلعان. جالپى باس قالادا سۋ باساتىن قاۋىپتى اۋماق كوپ ەمەس, – دەدى تجد وكىلى.
ماسەلەن, 2023 جىلدىڭ قىركۇيەگىندە قالانىڭ 20 سۋ تاسقىنى قاۋپى بار ۋچاسكەلەرى زەرتتەلىپ, اۋدان اكىمدەرىنە قاجەتتى شارالاردى قابىلداۋ, اتاپ ايتساق, كانالداردى تازالاۋ جانە توسەۋ, ارىق جۇيەسىن ورناتۋ جانە ت.ب. تۋرالى ۇسىنىستار ايتىلدى.
«بۇگىنگى تاڭدا كوممۋنالدىق قىزمەتتەر قالادان 4,5 ملن تەكشە مەتردەن اسا قار شىعاردى. 17 مىڭنان استام قۋما مەتر ارىق-ناۋا جەلىسى, 160 قۋما مەتر كوللەكتورلار, 713 دانا جاڭبىر قابىلداۋ قۇدىقتارى تازارتىلدى, 130 قۋما مەتر قۇبىر رەتتەلدى. «استانا تازالىق» بازاسىندا 2,5 مىڭ (2213 م3) تەكشە مەتر قۇم مەن ۇساق تاس (135 م3) كولەمىندە ينەرتتى ماتەريالدار قورى دايىندالدى, تاعى 11 مىڭ تەكشە مەتر ينەرتتى ماتەريالداردى (9 800 م3 قۇم جانە 1 943 م3 درەسۆا) جەتكىزۋگە كەلىسىمشارت بار» دەپ حابارلادى تجد.
بۇدان باسقا, تج جاعدايىندا ازىق-تۇلىك پەن جانار-جاعارماي ماتەريالدارىن جەتكىزۋگە 12 مەموراندۋم جاسالدى.
«1 اقپاننان باستاپ استانا قالاسى اكىمىنىڭ ورىنباسارى ساپارلار شەڭبەرىندە سۋ تاسقىنى قاۋپى بار ۋچاسكەلەردى كوميسسيالىق تەكسەرۋ بويىنشا جۇمىستى جالعاستىردى. سۋ تاسقىنى قۇبىلىستارىنا ۋاقتىلى دەن قويۋ ماقساتىندا جەكە قۇرامنىڭ 586 ادامىنان, 156 بىرلىك تەحنيكادان, 65 موتوپومپادان تۇراتىن ازاماتتىق قورعاۋ قىزمەتتەرىنىڭ جالپى توبى قۇرىلدى» دەپ اتاپ ءوتتى ۆەدومستۆودا.
سونداي-اق تجد قالا تۇرعىندارى مەن قوناقتارىن ءۇي ماڭىنداعى اۋماقتان كوشەنىڭ جول بويىنداعى بولىگىنە قاردى ۋاقتىلى تازارتۋعا, ۇيدەن اعىندى ارىقتارعا نەمەسە سۋ وتكىزگىش قۇبىرلارعا سۋ بۇرعىشتار ۇيىمداستىرۋعا, سۋ جۇرگىزۋ قۇرالدارىن الدىن الا كوزدەۋگە شاقىردى.
تۇرمىستىق ەلەكتر سورعىلارى, شەلەكتەر, كۇرەكتەر جانە ت.ب. دايىن تۇرۋى كەرەك. سۋ باسقان جاعدايدا iKomek قالالىق مونيتورينگ ورتالىعىنىڭ «109» نومىرىنە نەمەسە قۇتقارۋ قىزمەتىنىڭ «112» نومىرىنە دەرەۋ حابارلاۋ قاجەت.
