1987 جىلدىڭ شىلدە ايىندا ادەبيەتشى, عالىم, سىنشى, فيلولوگيا عىلىمدارىنىڭ دوكتورى, پروفەسسور تۇرسىنبەك كاكىشەۆتىڭ 60 جىلدىق مۇشەل تويىنا وراي تسەلينوگراد وبلىسىنىڭ ەڭبەك ۇجىمدارىندا وقىرماندارمەن كەزدەسۋ كەشتەرى وتكىزىلدى.
سول باسقوسۋلاردا قازاق كسر مەملەكەتتىك سىيلىعىنىڭ لاۋرەاتى, كورنەكتى اقىن مۇزافار الىمباەۆ ادەبيەت سۇيەر جۇرتشىلىق الدىندا جازۋشى-عالىم ت.كاكىشەۆتىڭ شيرەك عاسىردان استام ۋاقىتتان بەرى قازاق ادەبيەتىن زەرتتەۋ جولىندا اتقارعان ەلەۋلى ەڭبەكتەرىن, رەسپۋبليكامىزدا مامان كادرلار دايارلاۋ جولىنداعى سىڭىرگەن ۇستازدىق قىزمەتىن ەرەكشە اتاپ كورسەتتى.
وسى ساپار بارىسىندا عالىم اقمولا قالاسىنا دا ارنايى ايالداپ, ادەبيەت, مادەنيەت وكىلدەرىمەن سىرلاسىپ, اڭگىمە-دۇكەن قۇردى.
ەڭبەك جولىنا كوز جۇگىرتسەك, تۇرسىنبەك كاكىشەۆ تە ەڭبەك جولىن ءبىر كەزدەرى داۋىلپاز اقىن ساكەن سەيفۋللين سياقتى اقمولا قالاسىنان باستاعان ەكەن. ءتىپتى بولاشاق عالىم مەكتەپ بىتىرگەن سوڭ, 1944 جىلدىڭ ءساۋىر ايىنان 1945 جىلدىڭ قازانىنا دەيىن اقمولانىڭ وبلىستىق تەاترىندا اكتەر بولعان كورىنەدى.
سۋرەتتە وبلىستىق «ارقا اجارى» گازەتىنىڭ قارىمدى قالامگەرلەرى رامازان احمەتوۆ پەن ءمادي حاسەنوۆ جازۋشى-عالىم ت.كاكىشەۆپەن تسەلينوگرادتاعى سالت-داستۇرلەر سارايىنىڭ الدىندا. 1987 جىلدىڭ شىلدە ايى.
