استانا قالاسىنىڭ ەركەعالي راحماديەۆ اتىنداعى مەملەكەتتىك اكادەميالىق فيلارمونياسىندا قارۋلى كۇشتەردىڭ ۇلتتىق اسكەري-پاتريوتتىق ورتالىعىنىڭ ۇيىمداستىرۋىمەن بالالار شىعارماشىلىق ستۋدياسىنىڭ ەسەپتىك كونتسەرتى ءوتتى.
بىلتىر بالالار جىلى اياسىندا قورعانىس ءمينيسترى, گەنەرال-پولكوۆنيك رۋسلان جاقسىلىقوۆ قارۋلى كۇشتەر مەن باسقا دا كۇشتىك ۆەدومستۆولاردا قىزمەت اتقاراتىن اتا-انالاردىڭ بالالارىنا ارنالعان شىعارماشىلىق ستۋديا قۇرۋدى تاپسىرعان بولاتىن. وسىلايشا حورەوگرافيا, اكتەرلىك شەبەرلىك, ۆوكال جانە دومبىرا سىندى ءتورت باعىتتا تەگىن وقىتۋ ۇيىمداستىرىلدى.
اتالمىش شاراعا قورعانىس ءمينيسترى, گەنەرال-پولكوۆنيك رۋسلان جاقسىلىقوۆ, باسقا دا اسكەرلەر مەن اسكەري قۇرالىمداردىڭ باسشىلارى, جاس دارىنداردىڭ اتا-انالارى قاتىستى.
ەسەپتىك كونتسەرت – بالالار ستۋدياسىنداعى تاربيەلەنۋشىلەر مەن ولاردىڭ تالىمگەرلەرىنىڭ, ۇلتتىق اسكەري-پاتريوتتىق ورتالىعى ورتالىق ءانسامبلىنىڭ پەداگوگتارى مەن سوليستەرىنىڭ شابىتتى ەڭبەگىنىڭ ناتيجەسى, – دەپ اتاپ ءوتتى قارۋلى كۇشتەر ۇلتتىق اسكەري-پاتريوتتىق ورتالىعىنىڭ باستىعى, قازاقستاننىڭ ەڭبەك سىڭىرگەن قايراتكەرى ارمان اسەنوۆ.
جاس تالانتتار كورەرمەندەرگە اسەم اندەرى مەن مۋزىكالىق تۋىندىلارىن تارتۋ ەتتى. كونتسەرتتە قازاق كومپوزيتورلارىنىڭ بەلگىلى شىعارمالارى, حالىق كۇيلەرى ورىندالدى, فولكلورلىق جانە زاماناۋي حورەوگرافيالىق قويىلىمدار كورسەتىلدى.
«ءبىز جاستارعا سەنەمىز» دەگەن اتپەن وتكەن اۋقىمدى شارا, راسىندا, بولاشاق ۇرپاققا دەگەن سەنىمگە تولى بولدى. كورەرمەندەرگە وراسان زور كوڭىل-كۇي سىيلاعان جاس ارتىستەر ەلوردانىڭ ۇلكەن ساحناسىندا تۇڭعىش رەت ونەر كورسەتىپ, العاشقى تاجىريبەلەرىن جينادى.
