وسىدان ەكى-ءۇش اي بۇرىن ەلورداداعى قىرعىز حالقىنىڭ ەتنومادەني ورتالىعىنىڭ جەتەكشىسى شاۆكات يسمايلوۆ نۇر-سۇلتان قالاسى تىلدەردى دامىتۋ جانە ارحيۆ ءىسى باسقارماسىنا استانا كوشەلەرىنە اتى بەرىلگەن تاريحي تۇلعالاردى حالىققا تانىستىرۋ, الەۋمەتتىك جەلىلەر ارقىلى ناسيحاتتاۋ تۋرالى ۇسىنىس ايتقان ەدى. وسىلايشا تاۋەلسىزدىكتىڭ 30 جىلدىعىنا وراي «ەگەمەندى ەلىمىزدىڭ 30 تانىمال تۇلعالارى» اتتى جاستار جوباسى باستالدى.
[smartslider3 slider=1368]
جوبا اياسىندا قانىش ساتباەۆ, باۋىرجان مومىشۇلى, ءاليحان بوكەيحان, دىنمۇحامەد قوناەۆ, ابىلايحان, كەنەسارى, قاجىمۇقان, باسقا دا كورنەكتى 30 تاريحي تۇلعا تاڭداپ الىندى. قالا داڭعىلدارى مەن كوشەلەرى جايلى بەينەماتەريالدار ءتۇسىرىلىپ, اپتاسىنا ءۇش رەت الەۋمەتتىك جەلى پاراقشالارىندا جاريالاندى. جوباعا جالپى 347 ازامات اتسالىستى.
