استانادا «داۋلەت» سپورت كەشەنىندە كيوكۋشينكاي-كان كاراتەدەن «ASTANA OPEN EXPO-2017» حالىقارالىق ءتۋرنيرى ءوتتى. اتى ايتىپ تۇرعانداي, «ەكسپو-2017» كورمەسىنە ارنالعان سايىستىڭ جۇلدەلەرى جاسوسپىرىمدەر, قىزدار, جەتكىنشەكتەر, ەرلەر جانە ايەلدەر اراسىندا ساراپقا سالىندى.
وتە تارتىستى وتكەن بۇل تۋرنيرگە 500-گە تارتا كاراتەشى قاتىستى. ءوزارا كۇشتىلەرىن انىقتاعان سپورتشىلاردىڭ قاتارىن, ءوزىمىزدىڭ ەلدى قوسا ايتقاندا, يران, قىتاي, رەسەي, وزبەكستان, قىرعىزستان جانە ارمەنيا سەكىلدى ەلدەردەن كەلگەن جاستار تولىقتىردى.قۇرلىقتىق بىرىنشىلىكتەر مەن الەم چەمپيوناتتارىندا وزدەرىن دالەلدەگەن مىقتىلاردىڭ قاتىسۋىمەن بۇل باسەكەنىڭ كورىگى قىزدى. ەكى كۇنگە سوزىلعان تاتامي ۇستىندەگى تارتىستا ءارتۇرلى ساناتتار بويىنشا چەمپيوندار انىقتالدى.
وسى حالىقارالىق تۋرنيرگە تىڭعىلىقتى دايىندالعان ەلوردالىق سايىسكەرلەر اۋىز تولتىرىپ ايتارلىقتاي ناتيجە كورسەتتى. ناقتىراق ايتساق, استانالىقتار 30-دان اسا جۇلدەگە قول جەتكىزدى.
ورىنبەك وتەمۇرات
قازاق جاستارى العا!