قر ۇلتتىق اكادەميالىق كىتاپحاناسى باسشىسىنىڭ ورىنباسارى نۇرجان جولدىبالينوۆ ۇجىمنىڭ تاۋەلسىزدىكتىڭ 30 جىلدىعىنا ارناپ وتكىزەتىن ءىس-شارالار جوسپارىمەن تانىستىردى.
«كەلەسى جىلى قر ۇلتتىق اكادەميالىق كىتاپحاناسىندا تاۋەلسىزدىكتىڭ 30 جىلدىعىنا ارنالعان كوپتەگەن ءىس-شارا وتەدى دەپ جوسپارلانىپ وتىر. سونىڭ ەڭ اۋقىمدىلارىنىڭ ءبىرى – تاۋەلسىزدىگىمىزگە ارنالعان كىتاپ كورمەسى. بۇل كورمە وفلاين جانە ۆيرتۋالدى فورماتتا ۇيىمداستىرىلادى. ياعني كورمەنى كىتاپحاناعا كەلىپ تە كورۋگە بولادى جانە ونلاين فورماتتا دا تانىسۋعا مۇمكىندىك قاراستىرىلادى. ودان بولەك, فوتوسۋرەتتەر كورمەسى وتەدى. سونىمەن قاتار, ارينە, كوپتەگەن اۆتوردىڭ كىتاپتارىنىڭ تۇساۋكەسەرى بولادى. جالپى, تاۋەلسىزدىكتىڭ ارقاسىندا ەلىمىز كوپتەگەن جەتىستىككە قول جەتكىزدى. مىسالى, ۇلتتىق اكادەميالىق كىتاپحاناسىنىڭ شەتەلدەردەن اباي ورتالىقتارىن اشۋى دا, ارينە, وسى تاۋەلسىزدىكتىڭ ارقاسى. تاۋەلسىزدىگىمىز تۇعىرلى بولسىن!» دەدى نۇرجان جولدىبالينوۆ.
