جىلىتۋ ماۋسىمى باستالعاننان بەرى (2020 جىلعى 1 قىركۇيەكتەن باستاپ) تۇرعىن ءۇي سەكتورىندا 2 768 ءورت بولدى, ونىڭ سالدارىنان 96 ادام قايتىس بولدى, ۋلى گازبەن ۋلانۋ ء(ورت تۋىنداماي) سالدارىنان 7 ادام قايتىس بولدى.
بۇل تۋرالى توتەنشە جاعدايلار مينيسترلىگىنىڭ رەسمي وكىلى تالعات ءۋالي مالىمدەدى. ونىڭ ايتۋىنشا, وتكەن جىلىتۋ ماۋسىمىنىڭ سايكەس كەزەڭىمەن سالىستىرعاندا ءورت سانىنىڭ 5,4 پايىزعا وسكەنى بايقالادى. ءورت كەزىندە مەرت بولعاندار سانى 11,6 پايىزعا, گازدان ۋلانۋ سالدارىنان ء(ورت تۋىنداماي) قايتىس بولعاندار سانى 53 پايىزعا تومەندەگەن. ءورتتىڭ تۋىنداۋى, ادامداردىڭ قازا بولۋى مەن جاراقاتتانۋى قاۋپىن ازايتۋ ماقساتىندا مينيسترلىك جاڭا جىلدىق ءىس-شارالاردى وتكىزۋ كەزىندە ءورت قاۋىپسىزدىگى تالاپتارىن ساقتاۋ بويىنشا اۋقىمدى پروفيلاكتيكالىق جۇمىس ۇيىمداستىردى.
