تەگىن جاتتىعۋلارعا قاتىسىڭىز!

ەلوردالىق ساياباقتارىندا ءداستۇرلى اشىق اسپان استىندا وتەتىن جەكسەنبىلىك «Fitness Park Nur-Sultan» جاتتىعۋلارى باستالدى.

بيىل ءتورتىنشى رەت ۇيىمداس­تىرىلاتىن تەگىن سپورتتىق جاتتىعۋلار «استانالىق», «بوتانيكالىق باق», «جەرۇيىق» جانە «جەتىسۋ» ساياباقتارىندا وتكىزىلەتىن بولدى. كاسىبي ماماندار جەتەكشىلىك ەتكەن جاپپاي جاتتىعۋلار ءار اپتانىڭ جەكسەنبى كۇندەرى ساعات 10:00-12:00 ارالىعىندا وتەدى. جەكسەنبىلىك جاتتىعۋلار قىركۇيەك ايىنا دەيىن جالعاسادى. جاتتىعۋلار باعدارلاماسىنا CrossFit, يوگا, بوكس, برازيليالىق دجيۋ-دجيتسۋ, Zumba, دويبى, شاحمات جانە توپتىق جۇگىرۋ ەنگىزىلگەن. ءداستۇر بويىنشا «Fitness Park Nur-Sultan» اۋقىمدى جاتتىعۋلارى استانالىق ساياباقتا وتكىزىلەدى. تەگىن جاتتىعۋلارعا كەلەم دەۋشىلەرگە ءاردايىم ەسىك اشىق.
سونىمەن قاتار 20 مامىردان بەرى, ەلوردالىق بالالارعا ارنالعان «ساياباقتىڭ 7 عاجايىبى» ويىن-ساۋىق باعدارلاماسى دا ىسكە قوسىلعان. بۇل شارا دا ءۇش جىلدان بەرى كىشكەنتاي ەلوردا تۇرعىندارى مەن قوناقتارىنا قۋانىش سىيلاپ كەلەدى. بالالاردىڭ سۇيىكتى كەيىپكەرلەرىنىڭ كەيپىندەگى انيماتورلاردىڭ قاتىسۋىمەن وتكىزىلەتىن شوۋ «استانالىق», «جەرۇيىق» جانە «جەتىسۋ» ساياباقتارىندا كۇنىنە ەكى رەت وتكىزىلەدى. «ساياباقتىڭ 7 عاجايىبى» شوۋ-باعدارلاماسىنىڭ كەس­تەسىن قالالىق مادەنيەت جانە سپورت باسقارماسىنىڭ @madeniet_sport.nursultan Instagram اككاۋنتىنان تابا الاسىزدار.