جارىس 25-31 شىلدە ارالىعىندا ۇلتتىق تەننيس ورتالىعىندا ۇيىمداستىرىلادى.
حالىقارالىق تۋرنير بارىسىندا كاسىپقوي ەرلەر مەن ايەلدەر شەبەرلىك بايقاسادى. سونىمەن قاتار, بالالار مەن اۋەسقوي سپورتشىلار دا باعىن سىنايدى. «پرەزيدەنت كۋبوگى» تۋرنيرىنە قاتىساتىن سپورتشىلار سانى جىل وتكەن سايىن ارتىپ كەلەدى.
– پرەزيدەنت كۋبوگى وتە ماڭىزدى جارىس. سەبەبى, كوپتەگەن ۇزدىك تەننيسشىلەر كەلەدى. ارينە, جارىس ۇپايلار جاعىنان عانا ەمەس, قۇراما كوماندالارى, تەننيستىڭ دامۋى جاعىنان دا ماڭىزدى. پرەزيدەنت كۋبوگى قازاقستانداعى ەڭ ۇلكەن جارىس. جۇلدە قورى – 125 مىڭ اقش دوللارى, 25-26 ەلدەن تەننيسشىلەر كەلەدى, گەرمانيا, فرانتسيا, ۇلىبريتانيا, – دەدى قازاقستاننىڭ تەننيس فەدەراتسياسىنىڭ اتقارۋشى ديرەكتورى دياس دوسقاراەۆ.
كۋبوكتا 12 جاسقا دەيىنگى بالالاردا جارىسقا تۇسەدى. وسىلايشا, جاس سپورتشىلار الەمنىڭ جەتەكشى تەننيسشىلەرىنىڭ ويىنىن تاماشالاپ, شەبەرلىك دارىستەرگە قاتىسۋ مۇمكىندىگىنە يە بولادى.
اتالعان سپورت ءتۇرىنىڭ اۋەسقويلارى دا دودادان تىس قالمايدى. سپورتشىلار ءىىى Astana Open – 2016 رەسپۋبليكالىق تۋرنيرىندە كۇش سىناسادى.
– جارىسقا ۇلكەن كوڭىل بولەمىز. بۇل جارىس – تەننيس مەيرامى. وعان ايەلدەر مەن ەرلەر دە, 12 جاسقا دەيىنگى بالالار دا قاتىسادى. بالالار رەيتينگ ۇپايلارىن جينايدى. جارىس اۋەسقوي تەننيسشىلەر اراسىندا دا وتەدى. استانادا ينفراقۇرىلىم مۇمكىندىك بەرەتىندىكتەن دودا وسىندا ءوتىپ جاتىر. قالادا 24 كورت بار.
ايتا كەتەيىك, ءداستۇر بويىنشا شىلدە ايىنىڭ سوڭىندا وتكىزىلەتىن جارىستا باپكەرلەر دە باس قوسادى. شارا بارىسىندا ولار دا ءوزارا تاجىريبە الماساتىن بولادى.
astana.gov.kz
