باس مەملەكەتتىك سانيتار دارىگەر ەرلان قياسوۆتىڭ قازاقستان رەسپۋبليكاسى پارلامەنتى ءماجىلىسى جانە ءماسليحاتتارى دەپۋتاتتارىنىڭ سايلاۋىندا داۋىس بەرۋدى ۇيىمداستىرۋ جانە وتكىزۋ كەزىندە COVID-19 كوروناۆيرۋستىق ينفەكتسياسىنىڭ تارالۋىنىڭ الدىن الۋ جونىندەگى شارالار تۋرالى قاۋلىسى شىقتى.
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2020 جىلعى 7 شىلدەدەگى كودەكسىنىڭ 104-بابىنىڭ 1-تارماعىنا سايكەس, قازاقستان رەسپۋبليكاسى پارلامەنتى ءماجىلىسى جانە ءماسليحاتتارى دەپۋتاتتارىنىڭ سايلاۋىندا داۋىس بەرۋدى ۇيىمداستىرۋ جانە وتكىزۋ كەزىندە حالىق اراسىندا COVID-19 كوروناۆيرۋستىق ينفەكتسياسىنىڭ تارالۋىنىڭ الدىن الۋ, ازاماتتاردىڭ ءومىرى مەن دەنساۋلىعىن قورعاۋ ماقساتىندا قاۋلى ەتەمىن: قازاقستان رەسپۋبليكاسى پارلامەنتى ءماجىلىسى جانە ءماسليحاتتارى دەپۋتاتتارىنىڭ سايلاۋىندا داۋىس بەرۋدى ۇيىمداستىرۋ جانە وتكىزۋ كەزىندە COVID-19 كوروناۆيرۋستىق ينفەكتسياسىنىڭ تارالۋىنىڭ الدىن الۋ جونىندەگى قوسا بەرىلگەن الگوريتم بەكىتىلسىن» دەلىنگەن قۇجاتتا.
سونىمەن قاتار وبلىستاردىڭ, نۇر-Cۇلتان, الماتى جانە شىمكەنت قالالارىنىڭ اكىمدىكتەرى: ەپيدەميولوگيالىق جاعدايدى باعالاۋ ماتريتساسىنا سايكەس 2020 جىلعى 25 جەلتوقساننان باستاپ 2021 جىلعى 5 قاڭتارعا دەيىن كۇنىنە دەيىنگى كەزەڭدە تاۋەكەلى جوعارى جانە ورتاشا ايماقتاردا «قىزىل» جانە «سارى ايماقتاردا» بولاتىن وڭىرلەردە سايلاۋ كوميسسيالارىنىڭ مۇشەلەرىن, سەنىم بىلدىرىلگەن ادامداردى, بايقاۋشىلاردى پتر ادىسىمەن COVID-19-عا تەستىلەۋدى (بۇدان ءارى – پتر-تەستىلەۋ) ۇيىمداستىرۋدى جانە وتكىزۋدى قامتاماسىز ەتەدى. ەلدى مەكەندەر بولىنىسىندە پتر-تەستىلەۋگە جاتاتىن ادامداردىڭ تىزىمدەرىن جاسايدى جانە «رەسپۋبليكالىق ەلەكتروندىق دەنساۋلىق ساقتاۋ ورتالىعى», «الەۋمەتتىك مەديتسينالىق ساقتاندىرۋ قورى» فيليالدارىنا جانە قر دسم سانيتاريالىق-ەپيدەميولوگيالىق باقىلاۋ كوميتەتىنىڭ اۋماقتىق دەپارتامەنتتەرىنە ۇسىنادى. سايلاۋ پروتسەسىنە بارلىق قاتىسۋشىلار: 1) ءبىر رەت قولدانىلاتىن مەديتسينالىق نەمەسە قورعانىش ماسكالارىن (بۇدان ءارى – ماسكالار) تاعۋ رەجيمىن ساقتاۋى; 2) قولدى دەزينفەكتسيالاۋ ءۇشىن انتيسەپتيكالىق قۇرالداردى پايدالانۋى; 3) ادامدار اراسىندا ءبىر-بىرىنەن كەمىندە 1,5-2 مەتر الەۋمەتتىك قاشىقتىقتى ساقتاۋى; 4) قول الىسۋدى نە تىكەلەي بايلانىستىڭ باسقا دا تۇرلەرىن بولدىرماۋى قاجەت.