استانانىڭ «بارىس» حوككەي كلۋبى قحل-دىڭ كەزەكتى تۋرىندا «تورپەدو» كومانداسىمەن كەزدەسىپ, وۆەرتايمدا 4:3 ەسەبىمەن العا وزدى.
نيجني نوۆگورود قالاسىندا وتكەن ويىن وتە تارتىستى ءوتتى. العاشقى 5 مينۋتتىڭ وزىندە ەسەپ 1:1 بولدى. الدىمەن ايدىن يەلەرى 3-مينۋتتا قوناقتاردىڭ ءبىر ويىنشىسى كەمدىگىن پايدالانىپ, ەسەپتى اشقان بولاتىن. بىراق ارادا ءبىر مينۋت وتكەندە, ەلوردالىقتار تارازى باسىن تەڭەستىرىپ ۇلگەردى. ءبىرىنشى اينالىم بىتەمىن دەگەنشە «تورپەدو» ساپىنان گەننادي ستولياروۆ كومانداسىن العا شىعاردى.
ەكىنشى كەزەڭ باستالا سالا «بارىس» ەسەپتى قايتا تەڭەستىردى. ەرەكشەلەنگەن – داررەن ديتس. دەگەنمەن 31-مينۋتتا كاسپارس داۋگاۆينش سالعان شايبادان كەيىن قارسىلاستار باسىمدىققا يە بولدى.
قوس تاراپ كەزەك-كەزەك شايبا الماسقان تارتىستى ويىن سوڭعى اينالىمدا نايدجەل دوۋستىڭ گولىمەن تەڭەستى. سول دوۋس قوسىمشا ۋاقىتقا سوزىلعان ويىندا تاعى ءبىر شايبا اۆتورى اتانىپ, كەزدەسۋدىڭ تاعدىرىن شەشتى.
ورىنبەك وتەمۇرات
