استانادا كامەلەتكە تولماعاندار اراسىندا قۇقىق بۇزۋشىلىقتىڭ الدىن الۋ ماقساتىندا «تۇنگى قالاداعى بالالار» شاراسى ءوتتى. ناتيجەسىندە 32 اكىمشىلىك قۇقىق بۇزۋشىلىق انىقتالدى.
بالالار مەن جاسوسپىرىمدەردىڭ تۇنگى ۋاقىتتا ويىن-ساۋىق ورىندارىندا جۇرۋىنە جول بەرمەۋ, ولاردىڭ قاتىسۋىمەن بولاتىن قىلمىستىڭ الدىن الۋدى كوزدەگەن شارا بارىسىندا يۋۆەنالدى پوليتسيا 35 ويىن-ساۋىق ورىنى, 10 ءدامحانا, 23 كومپيۋتەرلىك كلۋب پەن ينتەرنەت-كافەنى شولىپ شىقتى. تەكسەرۋ بارىسىندا بالالاردىڭ تۇنگى ۋاقىتتا ويىن-ساۋىق ورىندارىنا كىرۋىنە مۇمكىندىك بەرگەنى ءۇشىن 32 ادام اكىمشىلىك جاۋاپكەرشىلىككە تارتىلدى. ءتۇرلى قۇقىقبۇزۋشىلىق بويىنشا 27 ءجاسوسپىرىم اۋداندىق ىشكى ىستەر باسقارماسىنا جەتكىزىلگەن. كامەلەتكە تولماعان 8 بالا ءتىركەۋگە الىنسا, ولاردىڭ تورتەۋى جاعدايى تومەن وتباسىنىڭ بالالارى ەكەنى انىقتالدى.
جالپى, جىل باسىنان بەرى بالالارىن تۇنگى ۋاقىتتا قاراۋسىز قالدىرعان نەمەسە ويىن-ساۋىق ورىندارىنا بارۋىنا جول بەرگەن 400 اتا-انا جاۋاپكەرشىلىككە تارتىلعان.
