تۇڭعىش تۋرنير
![](https://astana-akshamy.kz/wp-content/uploads/2021/10/ab4bff500f04f26401747c059c1ff1e7-1.jpg)
استانادا ەركىن كۇرەستەن رەسپۋبليكالىق تۋرنيرگە 600-گە جۋىق سپورتشى قاتىستى.
جاقسىلىق ۇشكەمپىروۆ اتىنداعى جەكپە-جەك سارايىندا جاقسىلىق ۇشكەمپىروۆتى ەسكە الۋعا ارنالعان جاسوسپىرىمدەر اراسىنداعى ەركىن كۇرەستەن رەسپۋبليكالىق تۋرنير ءوتتى. ەكى كۇن بويى 6 جاستان 13 جاسقا دەيىنگى جاس بالۋاندار بوز كىلەمدە چەمپيون اتاعىنا كۇرەستى. جارىس جاسوسپىرىمدەر اراسىندا 25 سالماق دارەجەسىندە ءوتتى.
ءتۋرنيردىڭ اشىلۋ سالتاناتىنا نۇر-سۇلتان قالاسى دەنە شىنىقتىرۋ جانە سپورت باسقارماسىنىڭ باسشىسى سامات ەرعاليەۆ, ج.ۇشكەمپىروۆ اتىنداعى جەكپە-جەك سارايىنىڭ ديرەكتورى جاندوس ۇشكەمپىروۆ, وليمپيادا ويىندارىنىڭ ەكى دۇركىن كۇمىس جۇلدەگەرى گيۋزەل مانيۋروۆا, ەركىن كۇرەستەن ۇلتتىق قۇرامانىڭ باس باپكەرى اسەت سەرىكباەۆ, ەركىن كۇرەستەن الەم چەمپيوناتىنىڭ كۇمىس جۇلدەگەرى نۇرلان بەكجانوۆ قاتىسىپ, بولاشاق چەمپيوندارعا ساتتىلىك تىلەدى.
مۇنداي تۋرنير بيىل العاش رەت وتكىزىلدى. جالپىكوماندالىق ەسەپتە سەگىز التىن مەدالمەن اقمولا وبلىسىنىڭ جاستارى 1-ورىنعا يە بولدى. 2-ورىن – الماتى وبلىسىندا, ونىڭ قورجىنىندا 7 التىن مەدال بار. ۇزدىك ۇشتىكتى جامبىل وبلىسىنىڭ سپورتشىلارى 6 التىن مەدالمەن اياقتادى. جارىستىڭ جەڭىمپازدارى مەن جۇلدەگەرلەرى كۋبوكپەن, مەدالمەن جانە العىس حاتپەن ماراپاتتالدى. رەسپۋبليكالىق ءتۋرنيردى قالالىق دەنە شىنىقتىرۋ جانە سپورت باسقارماسى مەن Qairat top team كلۋبى ۇيىمداستىردى.
https://www.youtube.com/watch?v=jL4swc1OQvE