جول جۇمىستارىن جۇرگىزۋگە بايلانىستى سىعاناق كوشەسىنەن ورىنبور كوشەسىنە دەيىنگى ۋچاسكە ءىشىنارا جابىلادى, دەپ حابارلايدى astana-akshamy.kz
وسى جىلى تۇران داڭعىلى بويىنشا كەرەي – جانىبەك حاندار كوشەسىنەن جۇلدىز اينالىمىنا دەيىنگى ۋچاسكەدە جول توسەمىنە ورتاشا جوندەۋ جۇرگىزۋ جوسپارلانۋدا (2023 جىلى تۇران داڭعىلى بويىنشا «تۇلپار» كوپىرىنەن سارايشىق كوشەسىنە دەيىنگى ۋچاسكەدە جول جۇمىستارى جۇرگىزىلدى). جۇمىستار ۋچاسكەلەردىڭ توقسان سايىن جابىلۋىمەن كەزەڭ-كەزەڭمەن جۇرگىزىلەتىن بولادى.
بيىلعى 19-24 ءساۋىر ارالىعىندا جۇمىستار كەرەي – جانىبەك حاندار كوشەسىنەن ورىنبور كوشەسىنە دەيىنگى ۋچاسكەدە جۇرگىزىلەتىن بولادى. وسىعان بايلانىستى سىعاناق كوشەسىنەن ورىنبور كوشەسىنە دەيىنگى تۇران داڭعىلىنىڭ ۋچاسكەسى ءىشىنارا جابىلادى. بۇل رەتتە اۆتوكولىك قۇرالدارىنىڭ قوزعالىسى ءبىر باعىتتا (قالادان اۋەجايعا قاراي) جۇزەگە اسىرىلاتىن بولادى.
جوندەۋ جۇمىستارىن جۇرگىزۋ كەزەڭىندە قالالىق قوعامدىق كولىك مارشرۋتتارىنىڭ قوزعالىس سىزبالارى وزگەرتىلەتىن بولادى. بۇل تۋرالى «سity Transportation Systems» جشس رەسمي سايتىندا تانىسۋعا بولادى cts.gov.kz Facebook جانە Instagram الەۋمەتتىك جەلىلەرىندە.
ەلوردا تۇرعىندارى مەن قوناقتارىنان قالا جولدارىنداعى كەپتەلىستەردى بولدىرماۋ ماقساتىندا ءوز مارشرۋتتارىن الدىن الا جوسپارلاۋدى سۇرايمىز. ۋاقىتشا قولايسىزدىقتار ءۇشىن كەشىرىم وتىنەمىز جانە جول-قۇرىلىس جۇمىستارىن جۇرگىزۋگە تۇسىنىستىكپەن قاراۋدى سۇرايمىز.
