Face Pay اتتى جاڭا جۇيە ادامنىڭ بەت-الپەتىن تانۋ ارقىلى سان الۋان فۋنكتسيانى ورىنداي الادى. «IPay» جشس قۇرىلتايشىسى الماس ايمەنوۆ ونى تانىستىرا كەلە: 
– ءبىز Telegram-دا بوت قۇردىق, سىزدەر ول جەرگە ءوز جسن-دەرىڭىزدى تىركەپ, سەلفي جاساپ, ءوزىڭىزدىڭ اۆتوبۋستا قولداناتىن كارتاڭىزدى ەنگىزىپ, جۇيەگە كىرە الاسىز. ودان ءارى قاراي ءوزىڭىزدىڭ مالىمەتتەرىڭىزدى قولدانۋعا رۇقسات بەرەسىز. وسىدان سوڭ تەلەفونىڭىز نەمەسە تولەم كارتاڭىز وزىڭىزبەن بىرگە بولماسا دا, اۆتوبۋسقا مىنگەنىڭىزدە, ءسىزدىڭ بەت-الپەتىڭىزدى تانۋ ارقىلى اۆتومات بيلەت بەرەدى, – دەدى.
ونىڭ ايتۋىنشا, Face Pay جۇيەسى ادامدى 95%-عا دەيىنگى دالدىكپەن تاني الادى. ەگەر دالدىك دەڭگەيى 80%-دان تومەن بولسا, وندا الگى ادامنان كامەراعا قايتا قاراۋىن سۇرايدى.
بۇگىندە نۇر-سۇلتان قالاسى ىشىندە قاتىنايتىن ەكى اۆتوبۋستا وسى جۇيە بويىنشا تەحنيكالىق تەستىلەۋ جۇيەسى باستالدى.
