«تۇتىنۋشىلاردىڭ قۇقىقتارىن قورعاۋ تۋرالى» قازاقستان رەسپۋبليكاسى زاڭىنا 25 جىل تولۋىنا وراي ۇلتتىق ەكونوميكا مينيسترلىگى مەن استانا قالاسى اكىمدىگىنىڭ اراسىندا بەينەكونفەرەنتسيا ۇيىمداستىرىلدى.
شاراعا تۇتىنۋشىلاردىڭ وتىنىشتەرىن قاراۋ, اقپاراتتاندىرۋ, كەڭەس بەرۋ جانە ساۋاتتاندىرۋ قۇزىرەتىنە يە مينيسترلىك پەن ۆەدومستۆو باسشىلارى, پارلامەنت دەپۋتاتتارى, قوعامدىق بىرلەستىك وكىلدەرى قاتىستى. ولار اتالمىش زاڭعا ەنگىزىلگەن سوڭعى وزگەرىستەر تۋرالى تالقىلادى. اتاپ ايتساق, ساتۋعا ارنالعان تالاپتاردى جاقسارتۋ, تاۋاردى قايتارۋ جانە اۋىستىرۋ مەرزىمدەرىن ۇزارتۋ, ساپاسىز تاۋاردى انىقتاۋ سياقتى ماسەلەلەرگە توقتالدى. ماسەلەن, ەندىگى ۋاقىتتا تاۋاردى دۇكەنگە قايتارۋ مەرزىمى 14 كۇننەن 30 كۇنگە دەيىن كوبەيدى. سونداي-اق, ساۋداداعى باسەكەلەستىكتى ارتتىرۋ ماقساتىندا تۇتىنۋشىنىڭ تاۋاردى ساتىپ الماي تۇرىپ بەينەكامەراعا تۇسىرۋىنە تىيىم سالىنبايدى.
بوتاگوز ماراتقىزى
