ۇمىتكەر ۇلىتاۋ وبلىسىنا باردى
قازاقستان رەسپۋبليكاسىنىڭ پرەزيدەنتتىگىنە كانديدات قاجىكەن مەيرام زەكەشۇلىنىڭ سايلاۋالدى ۇگىت-ناسيحات ناۋقانى جالعاسۋدا.
2022 جىلدىڭ 25 قازانىندا ول ۇگىت-ناسيحات جۇمىسى اياسىندا جاڭادان قۇرىلعان ۇلىتاۋ وبلىسىنا باردى. مۇندا كانديدات ق.ي.ساتباەۆ اتىنداعى (Kazakhmys كورپوراتسياسى قۇرامىنا كىرەدى) جەزقازعان تاۋ-كەن مەتاللۋرگيا كومبيناتىنىڭ ەڭبەك ۇجىمىمەن كەزدەستى. سونداي-اق ول ەلىمىزدەگى ەڭ ءىرى سالالىق كاسىپوداقتاردىڭ ءبىرى «كاسىپقورعان» مۇشەلەرىمەن كەزدەسۋ وتكىزدى. ۇيىم قۇرامىندا تاۋ-كەن مەتاللۋرگيا كاسىپورىندارى مەن ارالاس ءوندىرىس ورىندارىنىڭ قىزمەتكەرلەرى بار. ۇمىتكەر ءوزىنىڭ سايلاۋالدى باعدارلاماسىنىڭ نەگىزگى اسپەكتىلەرى جايلى بايانداپ, كەيبىر باسىم باعىتتارىنا تولىعىراق توقتالدى.
«قازاقمىس» كومپانيالار توبىندا ءتورت كاسىپوداق جۇمىس ىستەيدى: «كاسىپقورعان», «قازپروفمەتالل», «لايىقتى ەڭبەك» جانە «Enbek». ولاردىڭ قۇرامىندا 57 مىڭنان استام جۇمىسشى بار. ەڭبەككەرلەردىڭ باسىم بولىگى «كاسىپقورعان» كاسىپوداعىنا بەكىتىلگەن.