كەشە ەلوردادا دەپۋتاتتىققا ۇمىتكەرلەر مەن اۋماقتىق سايلاۋ كوميسسياسى وكىلدەرىنىڭ وتىرىسى ءوتتى.
جينالىستا «رەسپۋبليكا» پارتياسى, «بايتاق» جاسىلدار پارتياسى, Amanat پارتياسى, «اۋىل» حالىقتىق-دەموكراتيالىق پاتريوتتىق پارتياسى قوعامدىق بىرلەستىكتەرى استانا قالالىق فيليالىنان ەلوردالىق ءماسليحات دەپۋتاتتىعىنا ۇسىنىلاتىنداردىڭ پارتيالىق ءتىزىمىن بەكىتتى. سونداي-اق «اقجول» دەموكراتيالىق پارتياسى قوعامدىق بىرلەستىگى استانا قالالىق فيليالىنان ەلوردالىق ءماسليحات دەپۋتاتتىعىنا ۇسىنىلعان ۇمىتكەرلەردى تىركەدى.
«رەسپۋبليكا پارتياسى» قوعامدىق بىرلەستىگى استانا قالالىق فيليالىنان 16 كانديداتتىڭ; «بايتاق» جاسىلدار پارتياسى قوعامدىق بىرلەستىگى استانا قالالىق فيليالىنان 10 كانديداتتىڭ, Amanat پارتياسى قوعامدىق بىرلەستىگى استانا قالالىق فيليالىنان 33 كانديداتتىڭ, «اۋىل» حالىقتىق-دەموكراتيالىق پاتريوتتىق پارتياسى قوعامدىق بىرلەستىگى استانا قالالىق فيليالىنان 7 كانديداتتىڭ ءتىزىمى بەكىتىلدى. قازاقستان رەسپۋبليكاسى ىشكى ىستەر مينيسترلىگىنىڭ استانا قالاسى پوليتسيا دەپارتامەنتى كوشى-قون قىزمەتى باسقارماسى اۋماقتىق ورگانى ۇسىنعان مالىمەتتەر مەن استانا قالاسى بويىنشا قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ باسقارماسى بەرگەن دەرەكتەرگە ساي اتالعان كانديداتتار بارلىق تالاپتارعا ساي, ەشقانداي زاڭ بۇزۋشىلىق ارەكەتتەرى جوق دەپ تانىلدى.
جينالىستا «اقجول» دەموكراتيالىق پارتياسى قوعامدىق بىرلەستىگى استانا قالالىق فيليالىنان ەلوردالىق ءماسليحات دەپۋتاتتىعىنا تىركەلگەن 13 كانديداتقا قاتىستى كۋالىكتەر بەرىلدى. سونداي-اق قازاقستان رەسپۋبليكاسى سايلاۋ تۋرالى 1995 جىلعى 28 قىركۇيەكتەگى كونستيتۋتسيالىق زاڭىنىڭ 104-بابىنىڭ ءبىرىنشى تارماعىنا سايكەس, 2021 جىلى 10 قاڭتاردا وتكەن استانا قالاسى ءماسليحات دەپۋتاتتارىن سايلاۋدا داۋىس بەرۋگە قاتىسقان سايلاۋشىلار سانىنىڭ 7,44% جيناۋىنا بايلانىستى «اقجول» دەموكراتيالىق پارتياسى قوعامدىق بىرلەستىگىنىڭ استانا قالالىق فيليالى ءتيىستى اۋماقتىق سايلاۋ وكرۋگى بويىنشا سايلاۋ جارناسىن وتەۋدەن بوساتىلدى.
– كانديداتتاردى تىركەۋدەن وتكىزگەن پارتيالار ەندى دەكلاراتسيالاردى (وزىنە جانە زايىبىنا) تاپسىرىپ, مۇشەلىك جارنانى ەنگىزۋ كەرەك. وتكەن كەزەكتى سايلاۋعا قاتىسىپ, قاجەتتى داۋىستى جيناعان Amanat, «اقجول», «قازاقستان حالىق پارتياسى» قازاقستان رەسپۋبليكاسى سايلاۋ تۋرالى 1995 جىلعى 28 قىركۇيەكتەگى كونستيتۋتسيالىق زاڭىنىڭ 104-بابىنىڭ ءبىرىنشى تارماعىنا سايكەس, اۋماقتىق سايلاۋ وكرۋگى بويىنشا سايلاۋ جارناسىن وتەۋدەن بوساتىلادى. قالعان پارتيالار ءار كانديدات ءۇشىن 350 مىڭ تەڭگە شاماسىندا جارنا تولەيدى. وسىدان كەيىن تىركەۋ ءراسىمى جۇرگىزىلەدى. «رەسپۋبليكا», «بايتاق» پارتيالارى سايلاۋعا العاش رەت قاتىسىپ وتىر. بۇل ەكى پارتيادا دا جاستار مەن ايەلدەرگە ارنالعان 30 پايىزدىق كۆوتانى تولىعىمەن ساقتاعان, – دەدى قالالىق سايلاۋ كوميسسياسىنىڭ توراعاسى باقىت بەكتەمىسوۆا. سونداي-اق ول تىركەۋ اياقتالعاننان كەيىن سايلاۋدىڭ قاجەت شارتتارىن, ءتارتىبىن ەگجەي-تەگجەيلى ءتۇسىندىرۋ ءۇشىن كانديداتتاردى جانە ونىڭ سەنىمدى وكىلدەرىن جيناپ, ۇلكەن سەمينار وتكىزۋدى جوسپارلاپ وتىرعانىن جەتكىزدى ءارى سايلاۋ تۋرالى زاڭدا كوپ وزگەرىستەر بار ەكەنىن ايرىقشا ەسكەرتىپ, كانديداتتارعا قازاقستان رەسپۋبليكاسىنىڭ سايلاۋ تۋرالى كونستيتۋتسيالىق زاڭىنىڭ ءار تارماعىن مۇقيات وقىپ شىعۋدى تاپسىردى.
