نۇر-سۇلتاندا «پاندەميادان كەيىنگى جاڭا الەمنىڭ كەلەشەگى» تاقىرىبىنا ارنالعان «استانا كلۋبىنىڭ» التىنشى وتىرىسى باستالدى. حالىقارالىق ديالوگ الاڭىنىڭ جۇمىسىنا بۇرىنعى مەملەكەت جانە ۇكىمەت باسشىلارى, زەرتتەۋ جانە ساراپتاما ورتالىقتارىنىڭ, حالىقارالىق ۇيىمداردىڭ باسشىلارى, جاھاندىق باق-تاردى قوسا العاندا, 50-دەن استام بەدەلدى الەمدىك سپيكەرلەر قاتىسۋدا. حالىقارالىق ساراپشىلار ءۇش كۇن بويى – 15-17 قاراشادا جاھاندىق ەكونوميكا, گەوساياسات جانە حالىقارالىق قاتىناستار, كليماتتىق وزگەرىستەر جانە باسقا دا وزەكتى ماسەلەلەردى تالقىلايدى.
قازاقستان تاۋەلسىزدىگىنىڭ 30 جىلدىعى قارساڭىندا «استانا كلۋبىنىڭ» پىكىرتالاس الاڭىندا «تاۋەلسىزدىكتىڭ 30 جىلى: نازارباەۆتىڭ ستراتەگياسى جانە قازاقستان مەن ورتالىق ازيانىڭ بولاشاعى» اتتى سەسسيا وتەدى. سونداي-اق وسى باسقوسۋدا ەلباسىنىڭ باستاماسىمەن 2019 جىلى قۇرىلعان «يادرولىق ديالوگ بويىنشا ءىس-قيمىل ۋاقىتى» تاقىرىبىنداعى جاھاندىق كوشباسشىلار اليانسىنىڭ (جكا)وتىرىسى اياسىندا يادرولىق قاۋىپسىزدىك ماسەلەلەرى تالقىلانادى. قازىرگى ۋاقىتتا جكا 70-تەن استام حالىقارالىق قايراتكەرلەردى, سونىڭ ىشىندە ساياساتكەرلەردى, ساراپشىلاردى جانە نوبەل سىيلىعىنىڭ لاۋرەاتتارىن بىرىكتىرەدى. التىنشى وتىرىستىڭ جۇمىسىنا بەلگيانىڭ پرەمەرمي ءنيسترى (2008, 2009-2011) يۆ لەتەرم, گرۋزيا پارلامەنتىنىڭ توراعاسى (2001-2008) نينو بۋردجونادزە, مادريد كلۋبىنىڭ پرەزيدەنتى, سلوۆەنيا پرەزيدەنتى (2007-2012) دانيلو تيۋرك, تۇركيا پرەزيدەنتى (2007-2014) ابدوللا گۇل, جاھاندىق قاۋىپسىزدىك ينستيتۋتىنىڭ پرەزيدەنتى (اقش) دجوناتان گرانوفف, پوستيندۋستريالدى قوعامدى زەرتتەۋ ورتالىعىنىڭ ديرەكتورى (رەسەي) ۆلاديسلاۆ ينوزەمتسەۆ, حالىقارالىق قاتىناستار كەڭەسىنىڭ (CFR) اعا ۆيتسە-پرەزيدەنتى دجەيمس ليندسي جانە باسقالار قاتىسۋدا. فورۋمنىڭ جۇمىسىن اشىپ, ءسوز سويلەگەن نۇرسۇلتان نازارباەۆ قورىنىڭ ديرەكتورى, قازاقستان پارلامەنتى ءماجىلىسىنىڭ دەپۋتاتى داريعا نازارباەۆا: «ءبىزدىڭ كلۋبتىڭ الدىڭعى وتىرىسى 2019 جىلى ءوتتى. بۇل مۇلدەم باسقا داۋىردە بولعان سياقتى. سوندا ۆيرۋستىڭ جاپپاي ءورشۋى ءومىرىمىزدى وزگەرتەدى, ەكونوميكانى توقتاتادى جانە الەمنىڭ كوپتەگەن ەلدەرىن وقشاۋلاۋعا ماجبۇرلەيدى دەپ ەشكىم ويلاعان جوق. پاندەميا ءبارىمىزدىڭ قانشالىقتى ءوزارا بايلانىستى جانە ءبىر-بىرىمىزگە ءوزارا تاۋەلدى ەكەنىمىزدى تاعى ءبىر كورسەتتى» دەپ اتاپ ءوتتى. ول ءوزارا سەنىم ءتارتىبىن قالپىنا كەلتىرۋ «استانا كلۋبىنىڭ» باستى مىندەتى ەكەنىنە توقتالدى. قوردىڭ باسشىسى پاندەميا الەمدىك جۇيەدە باياعىدا ءپىسىپ-جەتىلگەن ىرگەلى وزگەرىستەردىڭ كاتاليزاتورى بولعانىن ايتتى. «الەمدە بۇل وزگەرىستەر قاي باعىتتا بولۋى كەرەكتىگىن ناقتىلايتىن بىرلىك جوق. سول سەبەپتەن قازىر ۇلكەن ەۋرازياداعى ديالوگتى قايتا جاڭعىرتۋ قاجەت ەكەنى انىق» دەدى داريعا نازارباەۆا. بۇل ويدى «Thinking the unthinkable» جوباسىنىڭ نەگىزىن قالاۋشى جانە ديرەكتورى, لوندونداعى كورول كوللەدجىنىڭ پروفەسسورى, BBC World News (1996-2014) جاڭالىقتار باعدارلاماسىنىڭ جۇرگىزۋشىسى نيك گوۋينگ قولدادى. «الەمدە COVID-19-عا بايلانىستى مۇنداي جاعداي بولادى دەپ ەشكىم بولجاي المادى» دەدى ساراپشى.
