قاراشا ايىنىڭ قۇبىلمالى اۋا رايى ۇسكىرىك ايازعا ۇلاساتىن ءتۇرى بار. «قازگيدرومەت» ەرتەڭنەن باستاپ, ياعني 16-19 قاراشا كۇندەرى ارالىعىندا ەلىمىزدىڭ باسىم اۋماعىندا كۇن قاتتى سۋىتاتىنىن بولجاپ وتىر.
«باتىس ءسىبىردىڭ سولتۇستىك اۋداندارىنان قازاقستانعا قاراي سۋىق انتيتسيكلون ىعىسادى. سونىڭ اسەرىنەن رەسپۋبليكانىڭ سولتۇستىگىندە تۇنگى ۋاقىتتا-20-27ºس, تىپتەن كەي جەرلەردە -30ºس اياز بولادى. سولتۇستىك قانا ەمەس, وڭتۇستىك وڭىرلەردە دە اۋا تەمپەراتۋراسى تومەندەيدى. بۇل قالىپتى نورمادان 5-13ºس تومەن» دەلىنگەن سينوپتيكتەردىڭ حابارلاماسىندا.
ەرتەڭ استانادا -31 گرادۋسقا دەيىن اياز بولۋى مۇمكىن. كۇندىز -23ºس. ال 17, 18 قاراشا كۇندەرى ەلوردادا كۇن بۇلتتانىپ, اۋا تەمپەراتۋراسى -24 گرادۋس سۋىق بولادى. سەنبى كۇنى كۇن اشىلادى. بىراق -27ºس اياز ساقتالادى دەپ كۇتىلۋدە.
سينوپتيكتەردىڭ بولجامىنشا, بيىلعى قىس قارلى بولماق. وتكەن دەمالىس كۇندەرى-اق استانادا شامامەن قالىڭدىعى 31,8 مم قار ءتۇسىپ ۇلگەردى. بۇل – قاراشا ايىنداعى قالىپتى مولشەردەن 3,8 مم-گە كوپ كورسەتكىش. الايدا ۇرەيلەنۋدىڭ قاجەتى جوق, دەپ ەسكەرتەدى اۋا رايىن بولجاۋشىلار, مۇنداي مولشەردە قاردىڭ ءتۇسۋى بۇل ايماق ءۇشىن قالىپتى جاعداي سانالاتىنىن ەسكە سالىپ.
ال كەشەدەن بەرى قاردىڭ كوپ تۇسۋىنە بايلانىستى قالانىڭ كوممۋنالدىق قىزمەتتەرى كۇشەيتىلگەن رەجيمدە جۇمىس جاساپ جاتىر. قالا باسشىلىعى اۋا رايىنىڭ كۇرت قۇبىلۋىنا قاراي قار جيناۋ جۇمىسىن قاتاڭ باقىلاۋعا الىپ وتىر. بۇگىندە قالا كوشەلەرىندە 266 تەحنيكا, سانيتارلىق تازارتۋ جۇمىستارىنا 368 ادام جۇمىلدىرىلىپ, ۇزدىكسىز جۇمىس جۇرگىزىلۋدە.
بۇركىت نۇراسىل
