ءبىلىم جانە عىلىم مينيسترلىگى وكىلدەرى بيىلعى وقۋ جىلىنىڭ قورىتىندى ەسەبىن جاريالادى. ەلىمىزدە 2017-2018 وقۋ جىلىندا ءبىلىم ساپاسى جوعارىلاپتى. تەك بەستىك العاندار سانى – 20%. بۇل الدىڭعى جىلعىدان 3%-عا ءبىلىم ساپاسى ارتقانىن ايشىقتايدى. ال تۇلەكتەردىڭ 50 پايىزى تەك ساباقتى 4 پەن 5-كە ءبىتىردى.
بيىلعى جىل جاقسى جاڭالىققا تولى بولدى. ەلباسى جولداۋىنداعى مۇعالىمدەردىڭ مارتەبەسى مەن جالاقىسىنا بايلانىستى ۇسىنىستار ىسكە اسۋدا. مۇنى ءبىلىم جانە عىلىم ءمينيسترىنىڭ ورىنباسارى اسحات ايماعامبەتوۆ جەتكىزدى. ونىڭ ايتۋىنشا, جاڭارتىلعان ءبىلىم مازمۇنىنا كوشكەن مەكتەپتەردىڭ ۇستازدارىنا 1-قاڭتاردان باستاپ 30 پايىزدىق ۇستەماقى قوسىلادى.
كۇنى كەشە 26 مامىردا ۇستازداردىڭ ۇلتتىق بىلىكتىلىك تەستى ءوتتى. سونىڭ ناتيجەسىندە, الداعى قاڭتاردان مۇعالىمدەردىڭ جالاقىسىنا 30-دان 50 پايىزعا دەيىن قوسىمشا ۇستەماقى بەرىلمەك. ەندى 30-50 پايىزدىق ۇستەماقىعا مۇعالىمدەردىڭ ەكىنشى لەگى سىناق تاپسىرادى. جاڭارتىلعان ءبىلىم جۇيەسى بويىنشا, بىلىكتىلىك تەستىن تاپسىرعان ۇستازدارعا ۇستەماقى بىلىكتىلىك سەرتيفيكاتى بەرىلەدى.
قارلىعا يبراگيم
جاقسى جاڭالىق ەكەن.