كەشە قازاقستان رەسپۋبليكاسى تۇڭعىش پرەزيدەنتى – ەلباسى كىتاپحاناسىندا سۋرەتشىلەر وداعىنىڭ مۇشەسى, پرەزيدەنت ستيپەندياسىنىڭ يەگەرى, مادەنيەت قايراتكەرى جەڭىس كاكەنۇلىنىڭ ەلوردانىڭ 20 جىلدىعىنا ارنالعان «استانا سۋرەتشى كوزىمەن» اتتى جەكە كورمەسى اشىلدى.
وسىدان بىرنەشە جىل بۇرىن اقش-تىڭ نيۋ-يورك قالاسىندا سۋرەت ونەرىنىڭ ءتۇرلى باعىتتارى بويىنشا بايقاۋدا جەڭىس كاكەنۇلى CITYSCAPE («قالا پەيزاجى») اتالىمىندا توپ جاردى. وندا استانانىڭ كۇز مەزگىلىندەگى كورىنىستەرى الەمدىك قىلقالام شەبەرلەرىنىڭ نازارىن اۋداردى.
وسى جولى قالانىڭ ءارتۇرلى جىل مەزگىلدەرى كورىنىستەرىمەن قاتار «ءزۇبارجات ورامى», «سولتۇستىك شۇعىلاسى», «قازاقستان تەمىر جولى», «استانا زاڭعارى», «ترانسپورت تاۋەر», «نەكە سارايى», ت.ب. عيماراتتاردىڭ كەسكىندەرى كورمەگە قويىلدى. بۇل كورمەدە قىلقالام شەبەرىنىڭ 50 كارتيناسىمەن تانىسۋعا بولادى.
جالپى, سۋرەتشى «جيۆوپيس», «گرافيكا», «كومپيۋارت» باعىتتارىندا جۇمىس ىستەيدى. وسى كۇنگە دەيىن ونىڭ كارتينالارى قازاقستان عانا ەمەس, رەسەي, مولدوۆا, تۇركيا دا جەكە جيدالارعا الىنعان.
مادەنيەتتى قولداۋ جىلىنىڭ ەمبلەماسى (2000 جىل) جەڭىس كاكەنۇلىنىڭ تۋىندىسى ەكەنىن ايتا كەتۋ كەرەك. سۋرەتشى ەلىمىزدە شىعىپ جاتقان كوپتەگەن كىتاپتار مەن جۋرنالداردى دا كوركەمدەگەن. بەلگىلى قىلقالام شەبەرلەرى جايلى ونىڭ «اقزەر» اتتى كىتابى جارىق كورگەن.
كورمەنى 10 شىلدەگە دەيىن تاماشالاۋعا بولادى.
امانعالي قالجانوۆ
