«استانا» ۆەلوكومانداسى جاڭا ماۋسىمنىڭ ەۋروپاداعى العاشقى جارىسىن ءساتتى باستادى. يسپانيادا وتكەن «ۆۋەلتا ۆالەنسيا» كوپكۇندىگىندە بىردەن ەكى شاباندوز فينالعا ءوتتى. يون يساگيرري جەڭىمپاز اتانسا, پەلو بيلباو ءۇشىنشى ورىندى الدى.
بۇعان قوسا, قازاقستاندىق كوماندا جالپىكوماندالىق ىرىكتەۋ كەزەڭىندە جەڭىسكە جەتتى.
«ۆۋەلتا ۆالەنسيا» كوپكۇندىگىنىڭ قورىتىندى ناتيجەسى بىلاي بولدى: 1-ورىن – يون يساگيررە (Astana Pro Team), 2-ورىن – الەحاندرو ۆالۆەردە (Movistar Team) جانە 3-ورىن – پەلو بيلباو (Astana Pro Team).
«بۇل – مەنىڭ عانا ەمەس, كوماندانىڭ جەتىستىگى. جارىس جولىن ءبىزدىڭ كوماندا وتە جاقسى ءجۇرىپ ءوتتى. ءبىز بۇل جارىستا شامامىزدى بارىنشا كورسەتتىك: جالپى ەسەپتەگى مەنىڭ جەڭىسىم, پەلو بيلباونىڭ ءۇشىنشى ورنى, جالپىكوماندالىق «استانانىڭ» جەڭىسى. عاجاپ! مەن بۇل ماۋسىمدى ەڭ بولماعاندا ءبىر جارىستا جەڭسەم دەپ باستادىم, ول ويىم قازىردىڭ وزىندە ۆالەنسيادا ىسكە استى» دەپ يون يساگيررە اعىنان جارىلدى.
