Nur Otan – ەكىجاقتى ىنتىماقتاستىققا مۇددەلى پارتيالاردىڭ ءبىرى. جۋىردا پارتيانىڭ ەلوردالىق فيليالى ىنتىماقتاستىق تۋرالى بىرقاتار مەموراندۋمدارعا قول قويدى. بۇل تۋرالى پارتيانىڭ نۇر-سۇلتان قالالىق فيليالى توراعاسىنىڭ ءبىرىنشى ورىنباسارى ەرلان قاناليموۆ حابارلادى.
«باقىتتى وتباسى», «حالىققا كومەك» جوبالارى اياسىندا «UMMET» قوعامدىق قورىمەن «سۇندەت» شاراسىن جانە باسقا دا قايىرىمدىلىق شارالارىن وتكىزۋگە, اتاپ ايتقاندا, جەتىم بالالارعا, مۇگەدەكتەرگە جانە تۇرمىسى تومەن وتباسىلارعا كومەك كورسەتۋگە مامىلەلەستىك. «بىردەي مۇمكىندىكتەر الەمى» مۇگەدەك بالالاردىڭ اتا-انالار قوعامىمەن ء(تورايىمى نۇرگۇل ۇلجەكوۆا) بىرلەسىپ, مۇمكىندىگى شەكتەۋلى جانە ەرەكشە قاجەتتىلىكتەرى بار ادامداردىڭ ءومىر ءسۇرۋ ساپاسىن جاقسارتۋعا باعىتتالعان «كەدەرگىسىز بولاشاق» اتتى پارتيالىق جوبانى ىسكە اسىرۋ شەڭبەرىندە ىنتىماقتاستىقتى دامىتۋعا نيەتتىمىز. جاس ۇرپاقتى پاتريوتتىق رۋحتا تاربيەلەۋ, جاستار مەن بالالاردىڭ, سونداي-اق ەرەكشە ءبىلىم بەرۋ قاجەتتىلىكتەرى بار بالالاردىڭ زياتكەرلىك جانە شىعارماشىلىق قابىلەتتەرىن دامىتىپ, ىنتالاندىرۋ ماقساتىندا «باقىتتى وتباسى» جوباسى اياسىندا «يۋسيماس» قوعامدىق بىرلەستىگىمەن مەموراندۋمعا قول قويدىق. وسى جوبا اياسىندا «Global ساپا» ءبىلىم بەرۋ ورتالىعى پارتيامەن بىرگە جاقىن ارادا مۇعالىمدەرگە ارنالعان ءبىلىم بەرۋ سەمينارلارىن جانە ت.ب. وتكىزەدى» دەپ جازدى ە.قاناليموۆ ءوزىنىڭ فەيسبۋكتەگى پاراقشاسىندا.
سونداي-اق ەرلان ەرمەكۇلى پارتيانىڭ قالالىق فيليالىندا زاڭ ەمحاناسى اشىلاتىنىن ءمالىم ەتتى. بۇل ماسەلە جوعارعى سوتتىڭ ادىلەت اكادەمياسى رەكتورىنىڭ ورىنباسارى ءنازيلا راززاقپەن كەزدەسۋدە تالقىلانعان. اكادەميانىڭ نەگىزىندە قۇرىلعان «عالىم» باستاۋىش پارتيا ۇيىمى وتكەن جىلى «ۇزدىك باستاۋىش پارتيا ۇيىمى» اتالىمىندا جەڭىمپاز اتانعان جانە ول ەلورداداعى ەڭ بەلسەندى ۇيىمداردىڭ بىرىنە اينالىپ وتىر.
