«بولاشاق» قاۋىمداستىعىنىڭ قورى استانا قالاسىنىڭ زاعيپ جانە كورۋ قابىلەتى ناشار ازاماتتارىنا ارنالعان مامانداندىرىلعان كىتاپحانا بازاسىندا «تسيفرلى كىتاپ جانە ونىڭ كىتاپحاناداعى بولاشاعى» اتتى دىبىس جازۋ ستۋدياسىن اشتى.
«بولاشاق» قاۋىمداستىعى قورىنىڭ ديرەكتورى دينارا ءشايجۇنىسوۆا ستۋدياعا ارنايى بارىپ, جۇمىس بارىسىمەن تانىسىپ قايتتى. قور باسشىسى «دىبىس جازۋ ستۋدياسىنىڭ اشىلۋى 6 مىڭنان استام كىتاپتى تسيفرلاۋعا مۇمكىندىك بەرەدى. سونىڭ ارقاسىندا 3 مىڭداي وقىرمان اۋديوكىتاپتاردى وقي الادى» دەپ ورتالىقتىڭ الەۋمەتتىك ماڭىزىنا توقتالدى.
تسيفرلانعان كىتاپتار بۇكىل ەل اۋماعىندا ورنالاسقان زاعيپ جانە كورۋ قابىلەتى ناشار ادامدارعا ارنالعان كىتاپحانالارعا جىبەرىلەدى. اۋديوكىتاپتاردى جازۋعا كاسىبي ديكتورلار قاتىسادى. جوبانى 2021 جىلعا دەيىن جاساپ ءبىتىرۋ جوسپارلانۋدا.
