«اتىراۋ مۇناي وڭدەۋ زاۋىتى» جشس وتكىزىلگەن تەكسەرۋ قورىتىندىلارى تۋرالى
قازاقستان رەسپۋبليكاسى قورشاعان ورتا جانە سۋ رەسۋرستارى مينيسترلىگىنىڭ ەكولوگيالىق رەتتەۋ جانە باقىلاۋ كوميتەتىنە قاراستى اتىراۋ وبلىستىق ەكولوگيا دەپارتامەنتى «اتىراۋ مۇناي وڭدەۋ زاۋىتى» جاۋاپكەرشىلىگى شەكتەۋلى سەرىكتەستىگىنە فاكەلدى قۇرىلعىدا قىشقىل (شيكى) گازدى بەلگىلەنگەن كولەمنەن اسىرا جاعۋ ناتيجەسىندە اۋانى لاستاۋدان كەلتىرىلگەن زالالدىڭ ورنىن تولتىرۋ جونىندەگى تالاپ قويدى.
بۇل سوما قورشاعان ورتانى لاستاۋدان كەلتىرىلگەن زياندى ەكونوميكالىق باعالاۋ ەرەجەلەرىنە سايكەس ەسەپتەلدى. اتىراۋ مۇناي وڭدەۋ زاۋىتى قىزمەتىن قازاقستان رەسپۋبليكاسىنىڭ ەكولوگيالىق زاڭناماسىنا سايكەس جوسپاردان تىس تەكسەرۋدى اتىراۋ وبلىستىق پروكۋراتۋراسى جۇرگىزىپ, بۇل جۇمىستارعا اتىراۋ وبلىستىق ەكولوگيا دەپارتامەنتىنىڭ ماماندارى تارتىلدى. 2013 جىلعى 29 قاراشا مەن 28 جەلتوقسان ارالىعىندا وتكىزىلگەن تەكسەرۋ قورىتىندىلارى بويىنشا «اتىراۋ مۇناي وڭدەۋ زاۋىتى» جاۋاپكەرشىلىگى شەكتەۋلى سەرىكتەستىگىنىڭ كۇكىرت ءوندىرۋ قۇرىلعىسىنىڭ فاكەلدى جۇيەسىندە قىشقىل (شيكى) گازدىڭ بەلگىلەنگەن مولشەردەن 693 753,1 م3 كولەمىندە ارتىق جاعىلۋىنا جول بەرىلگەندىگى انىقتالدى. قازاقستان رەسپۋبليكاسىنىڭ «اكىمشىلىك قۇقىق بۇزۋشىلىق تۋرالى» كودەكسىنىڭ تالاپتارىنا سايكەس, تەكسەرۋ ناتيجەلەرى بويىنشا اكىمشىلىك ىستەر قوزعالدى.
