استانا اكىمى يمانعالي تاسماعامبەتوۆ «ينتەرناتسيونالنىي» تۇرعىن الابىندا بولدى. شاھار باسشىسى تۇرعىندارمەن كەزدەسىپ, ولاردىڭ سۇراقتارىنا جاۋاپ بەردى, دەپ حابارلايدى استانا قالاسى اكىمى اپپاراتىنىڭ ءباسپاسوز قىزمەتى.
مەملەكەت باسشىسىنىڭ تاپسىرماسىمەن استانا قالاسىنىڭ اكىمى ي.ن.تاسماعامبەتوۆتىڭ 2014 جىلعى 19 اقپاندا حالىقپەن ەسەپتىك كەزدەسۋى بارىسىندا «ينتەرناتسيونالنىي» تۇرعىن الابىنىڭ تۇرعىنى, زەينەتكەر قوجانتاي بايكەنوۆ اكىمگە ساۋال جولداپ, كۇرمەۋلى جايدىڭ ءتۇيىنىن شەشۋدى سۇراعان بولاتىن.
ماسەلە مىنادا, تۇرعىنجايدان 50 مەتردەن كەم قاشىقتىقتا قازاندىق ورنالاسقان, ياعني, ءۇي قازاندىقتىڭ سانيتارلىق-قورعاۋ ايماعىندا تۇر. قازىرگى ۋاقىتتا كۇل ۇيىندىسىنە قورشاۋ ورناتۋ جۇمىستارى جۇرگىزىلىپ, قازاندىقتاعى اعىمداعى جاعدايدى جاقسارتۋ جونىندەگى ۇسىنىستار قاراستىرىلدى: سۋ قىزدىرۋ قازاندىقتارىن اۋىستىرىلىپ, سۇيىق وتىن قولدانۋ, سونىمەن قاتار, بارلىق قازاندىقتارعا كەلەسى جىلىتۋ ماۋسىمىنا دەيىن شاڭنان, گازدان تازالاۋ قوندىرعىلارىن (تسيكلوندار) ورناتۋ كوزدەلگەن.
استانا قالاسىنىڭ اكىمى يمانعالي تاسماعامبەتوۆ تۇرعىن الابىنىڭ تۇرعىندارىن وسىنداي ماڭىزدى وقيعامەن قۇتتىقتادى. كەزدەسۋ بارىسىندا تۇرعىندار قالا باسشىسىنا جالپى جانە جەكە تۇرعىداعى ءتۇرلى سۇراقتار قويدى. ءار ماسەلەنى ەگجەي-تەگجەيلى زەرتتەگەننەن كەيىن شارالار قابىلدانادى.
بۇدان باسقا, «ينتەرناتسيونالنىي» تۇرعىن الابىندا «ەسكەندiر» تك بالالار اۋلا كلۋبى اشىلدى. جالپى اۋدانى – 400 شارشى مەتر. مەكەمەدە كۇرەس, تەننيس, بي, ترەناجەر زالدارى, ەلەكتروندى كىتاپحانا جانە ارداگەرلەر مەن زەينەتكەرلەرگە ارنالعان ۇستەل ويىندارى (شاحمات, دويبى) ءۇشىن جابدىقتالعان دەمالىس بولمەسى بار.
بۇگىندە ەلوردالىق اۋلا كلۋبتارى اۋداندا تۇراتىن بالالار مەن جاسوسپىرىمدەر كەزدەسەتىن ورىنعا, دەمالىس پەن شىعارماشىلىق يدەيالارىن جۇزەگە اسىرۋ ورنىنا اينالدى. مادەني ءىس-شارالار وتكىزۋ, دەمالىستى ۇيىمداستىرۋ ارقىلى بالالار مەن جاسوسپىرىمدەردى كوشەنىڭ زياندى اسەرىنەن ساقتاۋ ءۇشىن مۇددەلەر بويىنشا كلۋبتار قۇرىلادى. ولار ءارتۇرلى سپورت تۇرلەرىنە اۋەستەنىپ, دەمالىستى وتكىزۋدىڭ جاڭاشا قىزىقتى تۇرىمەن تانىسادى.
