وقۋشىلار سارايىندا قايىرىمدىلىق كونتسەرتى ءوتىپ, الماتى اۋدانىندا تۇراتىن از قامتىلعان وتباسىلارعا جىلى كيىمدەر تابىس ەتىلدى.
بۇل يگى شارا الماتى اۋدانىنىڭ اكىمى ادىلبەك سارسەمباەۆتىڭ باستاماسىمەن جۇرگىزىلىپ جاتقان «20 Izgi Qadam» اكتسياسى شەڭبەرىندە ءوتتى. اكتسياعا «Niyet Charitable Foundation» قايىرىمدىلىق قورى اتسالىستى. بۇل قايىرىمدىلىق قورى – كوممەرتسيالىق ەمەس ۇيىم, ول ءومىردىڭ قيىن جاعدايىنا تاپ بولعان بالالاردى الەۋمەتتىك قورعاۋعا باعىتتالعان الەۋمەتتىك جانە قايىرىمدىلىق جوبالاردى جۇزەگە اسىرادى.
وسى شارادا از قامتىلعان 50 وتباسىنا جىلى كيىمدەر بەرىلدى. جىلدىڭ سوڭىنا دەيىن مەيىرىمدى جاندار اۋدان اۋماعىندا تۇراتىن تاعى 300 وتباسىعا كومەك قولىن سوزادى. قور استانالىق از قامتىلعان جانە كوپ بالالى وتباسىنىڭ بالالارىنا, قامقورلىقتاعى جەتىمدەرگە, مۇگەدەك بالالارعا LC WAIKIKI كومپانياسى تابىس ەتكەن 10 مىڭ جاڭا كيىمدى بەرۋدى جوسپارلاپ وتىر.
