ەلوردالىق №1 قالالىق اۋرۋحانادا جاڭادان پۋلمونولوگيا ءبولىمى اشىلدى. ەندى ءساۋىر ايىنان ناۋقاستاردى قابىلداي باستايدى.
اتالمىش ءبولىم 15 كەرۋەتپەن جابدىقتالعان. پنەۆمونيا, وكپەنىڭ سوزىلمالى اۋرۋى, دەمىكپە جانە سيرەك كەزدەسەتىن وكپە اۋرۋلارىن ەمدەيتىن بولىمدە كەپىلدەندىرىلگەن مەديتسينالىق كومەك اياسىندا تەگىن جانە اقىلى قىزمەت كورسەتىلەدى.
بۇگىندە تىنىس الۋ ورگاندارىنىڭ اۋرۋى – دەنساۋلىق ساقتاۋ سالاسىنىڭ ماڭىزدى ماسەلەلەرىنىڭ ءبىرى. قوسىمشا پۋلمونولوگيا ءبولىمىن اشۋ قاجەتتىلىكتەن تۋىنداپ وتىر.
