نۇر-سۇلتان قالاسى اكىمدىگىنىڭ «جانۇيا» وتباسى ينستيتۋتىن قولداۋ ورتالىعى» كمم ديرەكتورى اسەمگۇل سادىر ورتالىق قالاي قۇرىلعانىن ايتىپ بەردى.
مەملەكەتتىڭ الەۋمەتتىك ساياساتى قوعامنىڭ الەۋمەتتىك ءومىر ءسۇرۋ جاعدايىن رەتتەۋدىڭ ءبىر باعىتى سانالادى. وسى ورايدا قالا اكىمدىگى تاراپىنان الەۋمەتتىك توپتار اراسىنداعى قارىم-قاتىناستاردى قولداپ, جالپى قوعام مۇشەلەرىنىڭ ءال-قۋاتى مەن ءومىر ءسۇرۋ دەڭگەيىن جاقسارتۋ نەگىزىندە 2019 جىلعى 26 تامىزدا «جانۇيا» وتباسىن قولداۋ ورتالىعى قاناتقاقتى جوبا رەتىندە اشىلدى. جوبا ماقساتى – قيىن جاعدايعا تاپ بولعان ءاربىر جانۇياعا پسيحولوگيالىق, الەۋمەتتىك جانە قۇقىقتىق كومەك كورسەتۋ, سونىمەن قاتار وتباسى ينستيتۋتىنىڭ رۋحاني قۇندىلىقتارىن دامىتۋ. ورتالىق قاناتقاقتى جوبا رەتىندە ءوز جۇمىسىن ءساتتى ءارى جوعارى دەڭگەيدە اتقارىپ, نۇر-سۇلتان قالاسىنىڭ اكىمى التاي كولگىنوۆتىڭ قولداۋىمەن 2020 جىلدىڭ 27 مامىرىنان باستاپ «جانۇيا» وتباسى ينستيتۋتىن قولداۋ ورتالىعى» كوممۋنالدىق مەملەكەتتىك مەكەمەسى بولىپ رەسمي تۇردە قۇرىلدى.
