ادامنىڭ جاراقات الۋى, بۇل – ەكونوميكالىق جاعىنان ميلليونداعان شىعىن, ال, ادام جاعىنان – ەلەستەتۋ قيىن, جاقىنداردىڭ ومىردەن ءوتۋى, بۇل – قايعى-قاسىرەت. جاراقاتتانۋ دەڭگەيى ءسوزسىز ەلدىڭ ەكونوميكالىق دامۋىنا بايلانىستى. پرەزيدەنت پەن ۇكىمەتتىڭ جۇرگىزىپ جاتقان ساياساتىنىڭ ارقاسىندا ءبىزدىڭ رەسپۋبليكانىڭ ەكونوميكالىق جاعدايى جاقسارىپ كەلەدى. قازاقستان دۇنيەجۇزىندەگى دامىعان 50 ەل قاتارىنا كىرۋگە ۇمتىلۋدا. سوڭعى ۋاقىتتا جاراقاتتانۋشىلىقپەن كۇرەسكە كوپ كوڭىل اۋدارۋدا, كونفەرەنتسيالار, سەمينارلار وتكىزىلىپ, باستىسى قاراجات بولىنۋدە.
استاناعا قاتىستى ايتاتىن بولساق, قالادا جاراقاتتانۋشىلىق دەڭگەيى سوڭعى جەتى جىلدا تاپجىلماي وسۋدە, قالا اۋرۋحانالارى جاراقاتتان زاقىمدانعاندارعا تولىق.
قازىرگى ۋاقىتتا استانا ۇلكەن قۇرىلىس الاڭىنا اينالىپ وتىر, سوندىقتان دا وندىرىستىك جاراقاتتاردىڭ ءوسۋى بايقالۋدا. قۇرىلىستا تەحنيكا قاۋىپسىزدىگى ساقتالمايدى, نۇسقاۋلىق جۇرگىزىلمەيدى, كوبىنەسە نۇسقاۋلىق قول قويۋمەن شەكتەلەدى.
ءارتۇرلى اعاش وڭدەيتىن كاسىپورىنداردىڭ كوبەيۋى, جۇمىس ۋاقىتىندا جۇمىسكەرلەردىڭ قولى ءارتۇرلى مەحانيزمدەرگە ءتۇسىپ اۋىر جاراقاتتار بوي الۋىنا اكەلىپ سوقتىرادى. قول ساۋساقتارىنان ايىرىلۋ ەڭ اۋىر جاراقات بولىپ تابىلادى. وزىنە-ءوزى قىزمەت كورسەتۋ ءمۇمكىندىگىنەن ايىرىلۋى مۇمكىن.
وندىرىستىك جاراقاتتانۋدان مۇگەدەكتىككە شىعۋ قازىرگى كەزەڭدە ءبىرىنشى ورىندا. اۋا رايىنا بايلانىستى مەزگىلدىك جاراقاتتانۋشىلىق بار. قىستا كوكتايعاق ۋاقىتىندا كولىكتەردىڭ وتە جىلدام ءجۇرۋ قوزعالىسى باياۋلايدى, سوندىقتان قالادا كولىك اپاتى ازايادى. بۇنداي كەزەڭگە كەۋدە, جەڭىل باس-مي جاراقاتتارى ءتان. سونىمەن قاتار قالاارالىق جولدا بولاتىن كولىك اپاتى, قالا ىشىندەگى ءتۇنگى ۋاقىتتاعى ماساڭ كۇيدە كولىك جۇرگىزۋ اپاتى. قىس مەزگىلىندە ادامدار جۇمىستان قايتقاندا كوشەدە جارىقتىڭ جوقتىعىنان جۇرگىنشىلەردى قاعىپ كەتۋ سياقتى جاعدايسىز وقيعالارى كوبىنەسە قالانىڭ شەت اۋداندارىندا بايقالادى.
جاز مەزگىلىندە كولىكتەردىڭ ءجۇرۋ جىلدامدىعىنىڭ ءوسۋى بايقالادى, سوندىقتان ءبۇل كەزەڭگە جوعارى ەنەرگيالى جاراقاتتار ءتان. اۋىر باس-مي جاراقاتتارى, تىرەك-قيمىل اپپاراتىنىڭ كوپتەگەن جاراقاتتارى, سونىمەن قاتار ىشكى اعزالاردىڭ زاقىمدانۋى بايقالادى.
قازىرگى كەزەڭدەگى قالانىڭ قوعامدىق ءۇردىسى گيپوديناميا بولىپ تابىلادى. قوعامدىق كولىكتە ءجۇرۋ, ساياباق ۋچاسكەلەرىنىڭ سانىنىڭ ازايۋى, ورگانيزمنىڭ بەلسەندى قىزمەتىنىڭ ءتومەندەۋى, وستەوپوروزدىڭ دامۋ قاۋىپىن جوعارىلاتادى. وستەوپوروزدا سۇيەك ءتىنىنىڭ ماسساسى بىرلىك كولەمىنە ءتومەندەيدى, سۇيەك ءتىنىنىڭ قۇرىلىمى بۇزىلادى جانە سىنىقتاردىڭ دامۋ قاۋىپى جوعارلايدى. كوبىنەسە, وستەوپوروزدىق سىنىقتارعا ومىرتقا, سان سۇيەگىنىڭ پروكسيمالدى بولىگى, كارى جىلىك سۇيەگىنىڭ شەت بولىگى شالدىققىش. سۇيەك تىندەرىندە زات الماسۋدىڭ بۇزىلۋى دامىعان مۇنداي سىنىقتاردى ەمدەۋ قيىندىققا سوعادى. وستەوپوروز سالدارىنان بولاتىن سىنىقتاردىڭ الدىن الۋ دەنە شىنىقتىرۋ, دەنە بەلسەندىلىگىن ارتتىرۋ بولىپ تابىلادى.
جالپى, قالالىق جاراقاتتانۋدىڭ قۇرىلىمى قيىن. وندىرىستە جوعارى ەنەرگيالى سىنىقتار جانە جول وقيعالارى ناتيجەلەرىنەن بولاتىن سىنىقتار, سونىمەن قاتار وستەوپوروز ءتارىزدى تومەن ەنەرگيالىق سىنىقتار كەزدەسەدى. ءاربىر جاراقاتتان ەمدەۋدىڭ جانە الدىن الۋدىڭ وزىندىك ەرەكشەلىكتەرىن تراۆماتولوگيا جانە ورتوپەديا عىلىمي-زەرتتەۋ ينستيتۋتى قاراستىرادى.
ەرىك رايماعامبەتوۆ,
تراۆماتولوگيا جانە ورتوپەديا عىلىمي-زەرتتەۋ ينستيتۋتى
№5 ورتوپەديا بولىمشەسىنىڭ مەڭگەرۋشىسى, مەديتسينا عىلىمدارىنىڭ كانديداتى
