جارمەڭكە جۇمىس ۇسىنادى
استانا قالاسى اكىمدىگىنىڭ جۇمىسپەن قامتۋ ورتالىعى بوس جۇمىس ورىندارى جارمەڭكەسىن ۇيىمداستىردى.
«ساپارجاي» اۆتوبەكەتى عيماراتىندا وتكەن بۇل شاراعا «استانا سۋ ارناسى» مقك, «الما تۆ» جشس, «استانا كوگالداندىرۋ قۇرىلىسى» اق, «سمەۋ استانا» جشس, استانا قالاسىنىڭ ىشكى ىستەر دەپارتامەنتى جانە باسقا دا ەلوردانىڭ جيىرماعا تارتا كاسىپورنى قاتىستى.
جارمەڭكە كەزىندە ازاماتتارعا 200-دەن استام جۇمىس ورنى ۇسىنىلدى. ولاردىڭ اراسىندا ساتۋشى مەنەدجەر, جۇرگىزۋشى, باعدارلاماشى جانە ءىت مامانى, تىگىنشى-وپەراتور, قۇرىلىسشى جانە باسقا دا ماماندىقتار بويىنشا ءارتۇرلى دەڭگەيدەگى قىزمەتتەر بار ەدى.
ادەتتەگىدەي, بوس جۇمىس ورىندارى جارمەڭكەسىنە قالا تۇرعىندارى كوپ جينالدى. ولاردىڭ ءبىرازى «جۇمىسپەن قامتۋ – 2020» جول كارتاسىنا قاتىسۋ ماسەلەلەرى جونىندە كەڭەس السا, 136 ادام جۇمىس بەرۋشىمەن بەتپە-بەت اڭگىمەلەسۋ مۇمكىندىگىنە قول جەتكىزدى. ال, تاعى 81 ازامات جاستار پراكتيكاسىنا جانە الەۋمەتتىك جۇمىس ورىندارىنا جۇمىسقا ورنالاسۋعا قاتىستى اقپارات الىپ, ءجۇزدەگەن ادام كاسىپتىك وقىتۋ ماسەلەسى بويىنشا وزدەرىن قىزىقتىرعان ساۋالدارعا جاۋاپ تاۋىپ قايتتى.
ءنازيرا سايلاۋقىزى