جارقىن جولعا جەتەلەيدى
اۋىل شارۋاشىلىعى مينيسترلىگى اگروونەركاسىپتىك كەشەندەگى مەملەكەتتىك ينسپەكتسيا كوميتەتىنىڭ استانا قالاسى بويىنشا اۋماقتىق ينسپەكتسيا ۇجىمى مەملەكەت باسشىسى نۇرسۇلتان نازارباەۆتىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» جولداۋىن تالقىلادى.
اتالعان مەكەمەنىڭ باس مامانى قالي قامباربەك ءوز بايانداماسىندا ءارىپتەستەرىنىڭ نازارىن ەلباسىنىڭ اگروونەركاسىپتىك كەشەندى دامىتۋ تۋرالى ايتقاندارىنا اۋداردى. اسىرەسە, وزىق تەحنولوگيالاردى ەنگىزۋ, ونىمدىلىكتى ارتتىرۋ, سالا جۇمىسىن الەمدىك ستاندارتتارعا نەگىزدەۋ تارماقتارىنا ءمان بەرىلدى. سونداي-اق, ول اۋىل شارۋاشىلىق جەرلەرىنە ينۆەستيتسيا تارتۋ ماڭىزدىلىعىنا توقتالدى.
سونىمەن بىرگە تالقىلاۋ بارىسىندا ەت جانە ءسۇت ەكسپورتى تۋرالى ايتىلدى. «جاسىل ەكونوميكاعا» كوشۋ جونىندەگى تۇجىرىمداماعا سايكەس ەگىس القاپتارىنىڭ 15 پايىزىن سۋدى ۇنەمدەۋ تەحنولوگياسىنا كوشىرۋ جايى قوزعالدى. مەملەكەت باسشىسىنىڭ قويعان ماقساتى – اگرارلىق عىلىمدى دامىتۋ, سول ارقىلى سىناقتىق اگرارلىق-يننوۆاتسيالىق كلاستەرلەردى قۇرۋ قاجەتتىلىگى اتاپ ءوتىلدى.
ەلباسىنىڭ مەملەكەتتىك ءتىل تۋرالى ايتقانىنا ريزاشىلىق ءبىلدىرىلىپ, «ماڭگىلىك ەل» يدەياسى كەڭىنەن قولداۋ تاپتى.
مەملەكەت باسشىسىنىڭ جولداۋى ەلدىڭ وركەندەۋىنە ىقپال ەتەتىندىگى, بيلىك پەن حالىقتى ءبىر ماقسات-مۇددەگە جۇمىلدىراتىنى, وتانداستارىمىزدىڭ ءال-اۋقاتىن جاقسارتۋعا, الەۋەتىن كوتەرۋگە باعىتتالعانى, جالپى قوعام مەن مەملەكەت دامۋىندا زور ءرول اتقاراتىنى ايتىلدى.
امانعالي شميتۇلى