استانا قالاسى اكىمدىگىندە «قازاقستانداعى ءدىني احۋال: ازاماتتاردىڭ ءدىني تانىمىن ارتتىرۋ ماسەلەسىندەگى اقپاراتتىق-اعارتۋ جۇمىستارىنىڭ ءرولى» تاقىرىبىندا دوڭگەلەك ۇستەل وتىرىسى ءوتتى. جيىنعا ەلورداداعى ءداستۇرلى ءدىندەر جەتەكشىلەرى مەن وكىلدەرى جانە ءدىنتانۋشىلار قاتىستى.
باسقوسۋدى اشىپ, جۇرگىزگەن استانا قالاسى ءدىن ىستەرى باسقارماسىنىڭ باسشىسى جورابەك داۋرەنوۆ بۇگىنگى ءدىني احۋال جونىندە اڭگىمەلەدى. «ءبىز قالاداعى ەڭبەك ۇجىمدارىمەن, جۇمىسسىز جاستارمەن, قالاعا جاقىن ەلدى مەكەندەردەگى تۇرعىندارمەن كەزدەسىپ, ءداستۇرلى, تاريحي قالىپتاسقان ءدىندى ناسيحاتتاۋىمىز قاجەت. ەلىمىزدىڭ زايىرلى ەكەنىن جەتكىزۋگە مىندەتتىمىز. بارلىق اتقارعان شارالارىمىز وسى ماقساتقا باعىتتالسىن» دەدى باسقارما باسشىسى.
قازاقستان مۇسىلماندارى ءدىني باسقارماسىنىڭ استانا قالاسىنداعى وكىلى, «نۇر-استانا» مەشىتىنىڭ باس يمامى ناۋرىزباي وتپەنوۆ وتكەن جىلى باسقارما تاراپىنان اقپاراتتىق ناسيحات توپتارى قۇرىلىپ, حالىقپەن كەزدەسكەنىن, بۇل جۇمىس ناتيجەلى اياقتالعانىن اڭگىمەلەدى. «اللا بۇيىرتسا, بيىل دا وسى شارۋانى جالعاستىرۋ جوسپاردا بار» دەدى ول. ناۋرىزباي قاجىنىڭ ايتۋىنشا, باس ءمۇفتي ەرجان مالعاجىۇلى بيىلعى جىلدى «ءدىن جانە ءداستۇر» جىلى دەپ جاريالادى. بۇل زايىرلى قازاقستانداعى ءدىني احۋالدى رەتتەپ, ۇلتتار مەن كونفەسسيالار اراسىنداعى بىرلىكتى نىعايتۋعا سەپتىگىن تيگىزبەك.
دوڭگەلەك ۇستەل وتىرىسىندا ۋسپەن كافەدرالدى شىركەۋىنىڭ ءارحيماندريتى سەرگەي كارامىشەۆ, ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى ءدىنتانۋ كافەدراسىنىڭ مەڭگەرۋشىسى اشىربەك مومىنوۆ ءسوز سويلەدى.
جيىن بارىسىندا استانا قالاسىندا كونفەسسياارالىق كەلىسىمدى نىعايتۋ, ءدىن سالاسىندا اقپاراتتىق-اعارتۋ جۇمىستارىن جۇرگىزۋدە ءوزارا ىنتىماقتاستىق جونىندەگى ءۇش جاقتى مەموراندۋمعا قول قويىلدى. بۇل قۇجات اياسىندا «ءدىني قىزمەت جانە ءدىني ءبىرلەستىكتەر تۋرالى» زاڭنىڭ نەگىزگى قاعيدالارى ءتۇسىندىرىلىپ, كونفەسسياارالىق كەلىسىمدى ناسيحاتتاۋ جۇمىستارىن بىرلەسە ۇيىمداستىرۋ قولعا الىنادى. ەلوردا تۇرعىندارى اراسىندا ءدىني توزبەۋشىلىك پەن ەكسترەميزمنىڭ الدىن الۋ مەن بولدىرماۋ باستى نازاردا بولادى.
ايتا كەتەرلىگى, بۇگىندە قالادا 14 كونفەسسيانى قۇرايتىن 47 ءدىني بىرلەستىك, 7 مەشىت, 4 كاتوليك جانە 28 پروتەستانتتىق باعىتتاعى ءدىني بىرلەستىك بار.
اسحات رايقۇل
