جاستار جەمقورلىققا قارسى
استاناداعى تاۋەلسىزدىك سارايىندا قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ استانا قالاسى بويىنشا دەپارتامەنتىنىڭ ۇيىمداستىرۋىمەن دوڭگەلەك ۇستەلى ءماجىلىسى ءوتتى.
جيىننىڭ تاقىرىبى – «سىبايلاس جەمقورلىققا قارسى ءىس-قيمىلداعى جاستار مەن جاستار ۇيىمدارىنىڭ عىلىمي جانە پەداگوگيكالىق قىزمەتكەرلەرىنىڭ ءرولى».
– قازاقستان تاۋەلسىزدىك العاننان بەرى قانشاما اۋقىمدى جۇمىستار اتقارىلدى. ەلىمىز كوركەيىپ, حالىقتىڭ ءال-قۋاتى ارتتى. ەلباسىنىڭ ۇلت جوسپارى بويىنشا بەس ينستيتۋتسيونالدى جۇزەگە اسىرۋداعى العاشقى رەفورما كاسىپتىك مەملەكەتتىك اپپاراتتى قالىپتاستىرۋ بولىپ سانالادى. مەملەكەتتىك قىزمەتتە كاسىپقوي ماماندار جۇمىس ىستەۋى قاجەت. سەبەبى مەملەكەتتىك قىزمەتشىلەر – ەلباسىنىڭ سارابدال ساياساتىن جۇزەگە اسىراتىن جاۋاپتى تۇلعالار. سوندىقتان ولاردىڭ ءبىلىمى مەن بىلىكتىلىگى جوعارى بولۋ كەرەك, – دەدى جيىندا العاشقى ءسوزدى العان قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ استانا قالاسى بويىنشا دەپارتامەنتىنىڭ باسشىسى تىلەگەن قاسكين.
شارا بارىسىندا سىبايلاس جەمقورلىققا قارسى ءىس-قيمىل باعدارلاماسىنىڭ ورىندالۋ بارىسىنداعى جاستاردى ورنى تۋرالى كوبىرەك ءسوز قوزعالدى. بەلگىلى عالىمدار مەن جاستار ۇيىمدارىنىڭ وكىلدەرى بايانداما جاساپ, وزدەرىنىڭ وسى سالاعا قاتىستى پىكىرلەرىن تالقىعا سالدى.
ازامات ەسەنجول