«الماتى ارەنا» كەشەنىندە توعىزقۇمالاقتان «ايقىن» گازەتىنىڭ 13 جىلدىعىنا ارنالعان رەسپۋبليكالىق «Aikyn Media Open» ءتۋرنيرى ءوتتى.
ۇلتتىق ونەرىمىزدى ۇلىقتاعان جارىسقا جۋرناليستەر قاۋىمى بەلسەنە قاتىستى. اقىل مەن تاپقىرلىقتى تالاپ ەتەتىن توعىزقۇمالاق ويىنىندا شىن شەبەرلەر جۇلدەگەرلەر قاتارىنان كورىنە ءبىلدى. اتاپ ايتقاندا, «وڭتۇستىك قازاقستان» گازەتىنىڭ ءتىلشىسى عابيت ساپاربەكوۆ جەڭىمپاز اتانىپ, «ەير استانا» كومپانياسىنىڭ ەكى ادام ءۇشىن انتاليا قالاسىنا دەيىن ۇسىنعان اۋە بيلەتتەرىنە يە بولدى. ەكىنشى ورىنعا يە بولعان سدۋ ستۋدەنتى باقىتجان قادىلبەك – 100 مىڭ تەڭگە, ال ءۇشىنشى ورىنعا تابان تىرەگەن «ۇركەر» جۋرنالىنىڭ ءتىلشىسى نۇرلان قۇمار 50 مىڭ تەڭگە سىيلىق الدى.
ءبىر قۋانارلىعى, وسى جارىسقا ءبىزدىڭ «استانا اقشامى» گازەتىنىڭ شولۋشىسى گۇلميرا ايماعانبەت تە قاتىسىپ كەلدى. جۇيرىك ءجۋرناليسىمىز توعىزقۇمالاق سايىسىندا دا جەڭىسكە دەگەن جىگەرىن كورسەتىپ قايتتى. ۇيىمداستىرۋشىلار القاسىنىڭ شەشىمىمەن ارىپتەسىمىز ارناۋلى ىنتالاندىرۋ سىيلىعىنا يە بولدى.
