استانادا فۋتبولدان جۋرناليستەر ليگاسىنىڭ جازعى ماۋسىمى باستالدى. وسىمەن ەكىنشى رەت ۇيىمداستىرىلىپ جاتقان باق ليگانىڭ ويىندارى «تارلان ارەنا» سپورت كەشەنىنىڭ شاعىن الاڭىندا وتۋدە.
العاشقى ماۋسىمدا 11 كوماندا باق سىناعان باق ليگا بۇل جولى تاعى 3 كوماندامەن تولىقتى. سونىمەن, دوپ دوداسىنىڭ جەڭىمپازدارى مىنا كوماندالاردىڭ اراسىنان انىقتالادى: «قر اكم», «ەگەمەن قازاقستان», «قازاقستان», «حابار», «قازاق راديوسى», «ەلوردا-اقپارات», «جەڭىس», «Sports 1959», «حابار-24», «قازسپورت», «قازمەديا», «ەل ارنا», «Dixinews.kz», «استانا تك».
جاڭا ماۋسىمنىڭ باستى جاڭالىعى – جالپى 13 تۋرعا سوزىلاتىن ليگاعا قوسا, باق كۋبوگى دا ساراپقا سالىنادى. كۋبوك ماتچتارى سەنبى كۇنى وتسە, ليگانىڭ تۋرلارى جەكسەنبىدە ويناتىلادى.
ازىرگە ليگانىڭ ەكى تۋرى ءوتىپ, ناتيجەسىندە قاتارىنان ەكى رەت جەڭىسكە جەتكەن «ەگەمەن قازاقستان», «حابار-24» جانە «ەلوردا-اقپارات» كوماندالارى كوش باستاپ تۇر.
