جەرەبە تارتىلدى, قارسىلاستار انىقتالدى
![](https://astana-akshamy.kz/wp-content/uploads/2022/07/futbol_2.jpg)
كەشە شۆەيتساريانىڭ نون قالاسىندا ۋەفا اياسىنداعى كونفەرەنتسيا ليگاسىنىڭ ءۇشىنشى ىرىكتەۋ راۋندىندا كەزدەسەتىن كوماندالار انىقتالدى.
ءۇشىنشى راۋندقا شىققان جاعدايدا قازاقستان كوماندالارىنا مىنانداي كلۋبتار قارسىلاس بولادى: «استانا» كومانداسى «سپارتاك» (سلوۆاكيا) / «نيۋتاۋن» (ۋەلس) اراسىنداعى ويىننىڭ جەڭىمپازىمەن, «قايرات» كومانداسى «مولدە» (نورۆەگيا) / «ەلفسبورگ» (شۆەتسيا) اراسىنداعى ماتچتىڭ جەڭگەنىمەن, «توبىل» كومانداسى «تيرانا» (البانيا) / «زرينسكي» (بوسنيا جانە گەرتسەگوۆينا) كەزدەسۋىنىڭ جەڭىمپازىمەن, ال «قىزىلجار» كومانداسى «بوتەۆ» (بولگاريا) /اپوەل (كيپر) كوماندالارى اراسىنداعى ويىندا جەڭگەنىمەن كەزدەسەدى.
ال قازاقستاندىق كوماندالارعا ءۇشىنشى راۋندقا شىعۋ ءۇشىن ەكىنشى راۋندتىڭ شەشۋشى ويىندارىندا جەڭىسكە جەتۋ قاجەت بولادى. «استانا» – «راكۋۆ» (پولشا), «قايرات» – «كيشۆاردا» (ۆەنگريا), «توبىل» – «لينكولن رەد يمپس» (گيبرالتار), «قىزىلجار» «وسيەك» (حورۆاتيا) كوماندالارىمەن كەزدەسەدى.