«جىبەك جولى» ءرالليىنىڭ قاتىسۋشىلارى استاناعا جەتتى, دەپ حابارلايدى استانا اكىمدىگىنىڭ مەديا ورتالىعى.
الپىستان استام كولىكتەن قۇرالعان اۆتو كەرۋەن شىلدە ايىنىڭ باسىندا ماسكەۋدىڭ قىزىل الاڭىنان باستاۋ العان بولاتىن. جالپى باعىت ءۇش ەلدى قامتيدى (رەسەي, قازاقستان, قىتاي) جانە 10 مىڭعا جۋىق شاقىرىمدى قۇرايدى. ونىڭ جارتى جولى – ارنايى اۋماقتار. ەكيپاج 22 شىلدە قىتايدىڭ سيان قالاسىندا مارەگە جەتەدى. ءبىر سايكەستىگى, باعزى زامانداردا بۇل قالا ايگىلى جىبەك جولى ساۋدا كەرۋەندەرىنىڭ سوڭعى نۇكتەسى سانالعان.
قازىرگى ۋاقىتتا حالىقارالىق راللي-مارافونىنا قاتىسۋشىلار رەسەيدىڭ بارلىق اۋماعىن ءجۇرىپ ءوتتى. بۇل – 15 قالا جانە 900 شاقىرىم قازاقستاننىڭ شەكسىز دالاسى: رەسەي شەكاراسى ارقىلى قوستاناي جانە استاناعا دەيىنگى اۋماق.
قازاقستان استاناسىندا ەكيپاجدار ءبىر كۇن تىنىعىپ, ودان كەيىن ءارى قاراي بەلگىلەنگەن باعىت بويىنشا تيان-شان تاۋلارى ارقىلى گوبي ءشول دالاسىمەن قىتايدىڭ سيان قالاسىنا جەتەدى. ال ازىرگە جارىسۋشىلار قازاقستان اۋماعى بويىنشا استانا-سەمەي-ءۇرجار باعىتىنداعى ارنايى ۋچاسكەلەردى باعىندىرۋى ءتيىس.
ودان كەيىن راللي قىتايلىق كاراماگە جەتىپ, قىتايدىڭ جۇرەگى – پەكين قالاسىنا باعىت الادى.قازاقستان اتىنان جارىسقا ەكى كوماندا قاتىسۋدا. ولار – «Astana Motorsport» جانە «Aktau Motorsport».
– مەن وسىمەن «جىبەك جولى» رالليىنە جەتىنشى رەت قاتىسىپ جاتىرمىن. مەن ونىڭ بارلىعىن ءوتتىم. بيىل تاجىريبە كومەكتەسەدى دەپ ويلايمىن. ماسكەۋدەن سيانعا دەيىن بارامىز, 11 كەزەڭ كۇتىپ تۇر. سوندىقتان بارلىعى ءالى الدا. گوبيدىڭ ءىرى قۇمدارى, ءتوزىمسىز ىستىق, نەبىر قيىندىقتاردان وتەمىز. ءبىزدىڭ كولىكتەرىمىز ءبىزدى جەرگە قاراتپايدى دەپ ويلايمىن, – دەدى جارىسقا Iveco PowerStar كولىگىمەن جۇك كولىگى ساناتىندا قاتىساتىن «Astana Motorsports» پيلوتى ارتۋر ارداۆيچۋس.
