استانادا جىل باسىنان بەرى توعىز رەت بوس ورىندار جارمەڭكەسى ءوتتى
اعىمداعى جىلدىڭ ەكىنشى توقسانىندا استانادا جۇمىسسىزدار سانى – 22,8 مىڭ ادامدى, ال جالپى جۇمىسسىزدىق دەڭگەيى 4,7% قۇرادى.
ەلوردادا جۇمىسپەن قامتىلعانداردىڭ قاتارىندا جالدامالى قىزمەتكەرلەردىڭ ۇلەسى 95% نەمەسە 442,8 مىڭ ادامدى (سونىڭ ىشىندە 220,6 مىڭى – ەر, 222,2 مىڭى – ايەل) قۇرادى. ال ءوزىن-ءوزى جۇمىسپەن قامتىعاندار سانى 5% نەمەسە 23,4 مىڭ ادام. سونىڭ ىشىندە 8,8 مىڭى – ەر, 14,6 مىڭى – ايەل.
وسى كۇندەرگە دەيىن جۇمىسپەن قامتۋ ورتالىعىنا 8 487 ادام جۇگىنگەن. ولاردىڭ جارتىسىنا جۋىعى تۇراقتى جۇمىس ورىندارىنا جانە 1 244 ادام قوعامدىق جۇمىستارعا جىبەرىلدى. سونداي-اق, 623 ادام كاسىپتىك وقىتۋدان ءوتىپ جاتسا, 435 تۇلەك جاستار پراكتيكاسىنا قاتىسۋدا جانە 105 جۇمىسسىز ازامات الەۋمەتتىك جۇمىستارعا ورنالاستىرىلدى.
بۇعان قوسا, جىل باسىنان بەرى توعىز مارتە بوس جۇمىس ورىندارى جارمەڭكەسى ءوتتى. سونىڭ ىشىندە مۇمكىندىگى شەكتەۋلى ادامدارعا, سونىمەن بىرگە ايەلدەر مەن جاستارعا ارنالعان جانە ارنايى ءبىلىم بەرۋ سالاسىنا دا قاتىستى جارمەڭكەلەر ۇيىمداستىرىلدى.
«جۇمىسپەن قامتۋدىڭ جول كارتاسى – 2020» باعدارلاماسى تۋرالى ەلوردا تۇرعىندارىنا جان-جاقتى اقپارات بەرەتىن شاعىن توپ جۇمىسىن باستادى. بۇل توپتىڭ جۇمىسى ارقىلى استانا تۇرعىندارى ەڭبەك نارىعىنداعى جاعداي مەن كادرلارعا سۇرانىس جايلى تولىق اقپارات الا الادى.
قولعا الىنعان شارالاردىن ءناتيجەسىندە ايەلدەر جۇمىسسىزدىعى 1,6 پايىزعا (6,3%-دان 4,7%-عا ), جاستار جۇمىسسىزدىعى 0,4 پايىزعا (5,6% -دان 5,2%-عا) تومەندەگەن.
