Үкімет республикалық бюджеттен Астана – Үшарал авиамаршрутын субсидиялауға қаржы бөлді. Бұл Алакөлдегі туризмді дамыту, жол қатынасын жақсарту мақсатында жасалып отыр.
Алакөл – Қазақстандағы ең ғажайып көлдердің бірі, көлемі жағынан Балқаштан кейінгі әрі емдік қасиеті өте мол, құрамы жағынан Қара және Өлі теңіздерге ұқсайтын ағынсыз тұзды көл. Алакөлге жақын орналасқан Алматы облысындағы
Үшарал қаласына енді Астанадан ұшақ ұшады. Бұл туралы «Фейсбукте» Қазақстан Республикасы Инвестициялар және даму министрлігінің ресми өкілі Мұрат Жұманбай хабарлады. Рейстерді Үшарал әуежайы қабылдайтын болады, оның құрылысы жақында аяқталған. Ол жолаушыларды тіркеу мен тексеру үшін қажетті құрылғылармен жабдықталған. Бұдан бөлек, Алматы облысының әкімдігі ұшу-қону жолағындағы жөндеу-құрылыс, жермен жүру жолдарын, перронды жабдықтау жұмыстарын аяқтады.
