Астана
Елордада демалыс күндері қала тұрғындары мен қонақтары «Red Bus» автобустарымен тегін экскурсияға қатыса алады. Экскурсия «AiLand» (океанариум) көңіл көтеру орталығынан және ҚР Ұлттық мұражайынан басталады.
Алматы
Қаладағы мүгедектерге арналған такси мен арбаларға 317 млн теңге бөлінді.
Атырау облысы
Облыста бизнесті қолдау аясында 31 инвестициялық жоба жүзеге асырылды.
Батыс Қазақстан облысы
Аймақта 6 мыңдай тұрғын емдеу нысандарының қызметін пайдалану құқығына ие болды. Медициналық сақтандыру қорының филиалы 50 емдеу нысанымен келісімшарт жасасқан.
Қызылорда облысы
Сырдың бас шаһары – Қызылорданың 200 жылдық мерейтойы кең ауқымда тойланды.
Қарағанды облысы
Кенді өлкеде заңсыз есірткі айналымына байланысты 441 іс қозғалған.
Қостанай облысы
Облыста заң бұзған 422 нысан мен бір кәсіпорынның жұмысы тоқтатылды.
Шығыс Қазақстан облысы
Зырян ауданы мен қаласының атауы Алтай болып өзгерді.
Шымкент
Қалалық инфекциялық ауруханасында 3 жасар балдырғанның өлімінен кейін екі медбике жұмыстан босатылып, аурухананың 9 қызметкері тәртіптік жауапкершілікке тартылды.
Түркістан облысы
Түркістан қаласында «Көне Түркістан – жаңа мүмкіндіктер» атты халықаралық инвестициялық және туристік форум басталды. Оған Ресей, Оңтүстік Корея, Қытай, Сингапур, Малайзия, Пәкістан, Өзбекстан және т.б. Еуропа елдерінің өкілдері қатысуда.
